بەرپرسێ لقێ ئێكێ پارتی یاریزانێن فوتساڵێ خەلاتكرن

بەرێز سەربەست تروانشی ئەندامێ ئەنجومەنێ سەرکردایەتیا پارتی و بەرپرسێ لقێ ئێک ل بارەگایێ لقێ و ب ئامادەبوونا بەرپرسێ نڤێسینگەها رێکخراوێن جەماوەری و پێشەیی پێشوازیا سەروک و را‌هێنەر و یاریزانێن یانا فوتساڵێ یا دهوکێ کر،ل دەستپێکی بەرپرسێ لقێ بناڤێ خوە و لقا ئێک پیروزباهی ل ئێکە ئێکە ژ سەروک و راهینەر و یاریزانێن یانێ کرن، لهەمبەر ڤێ سەرکەرفتینا مەزن ئەوا لسەر ئاستێ هەرێما کوردستانێ پلا ئێکی بدەست خوەڤە ئینایی کو ئەڤ دەستکەفتێ مەزن ژ بۆ پارێزگەها دهوکێ و هەمی ئافرەتێن ڤێ پارێزگەهێ و کوردستانێ و دیسان ئافرەتا كورد دشێن د بوارێن جودا جودا دا سەركەفتێنن دی ژی بدەست خوەڤە بینن،هەر بڤێ هەلکەفتێ وێنەیەکێ بابێ ڕۆحی یێ نەتەوا کورد بارزانێ نەمر پێشکێشی وان کر دگەل هند هاریکارێن دراڤی.سەروکا یانێ ژی بناڤێ خوە و راهێنەر و یاریزانان سوپاسیا بەرپرسێ لقێ کر ژ بۆ ڤێ پشتەڤانیا ماددیی و مەعنەوی دگەل یانا مە کو دێ بیتە هاندەرەک ژ بۆ سەرکەفتنێن داهاتی