وهزارهتا ژێدهرێن ئاڤێ یا عێراقێ راگههاند ، كو توركیا بهرههڤیا خو نیشان دایه سهبارهت ب دهستهبهركرنا پشكا ئاڤا عێراقێ ژ رویبارێ دیجله و ئاماژه ب وێ چهندێ دایه كو دانوستاندنێن عێراقێ سهبارهت دوسهیا ئاڤێ د گهل ئیرانێ و سوریا یا بهردهوامه
دڤى بیاڤى دا عهلى رازى ئاخفتنكهرێ وهزارهتا ژێدهرێن ئاڤا عێراقێ د داخویانیهكێ دا بو روژنامهڤانان ئاشكرا كر كو حكومهتا عێراقێ گرنگیهكا باش ب دانوستاندنێن دوسهیا ئاڤێ دگهل توركیا و ئیرانێ و سوریا دایه و گوت ، ددهمێ بورى دا پێشهاتێن ئهرینى سهبارهت دوسهیا ئاڤێ دناڤبهرا عێراقێ و توركیا هاتینه پێش
عهلى رازى گوت ژى مههدى رهشید حهمدانى وهزیرێ ژێدهرێن ئاڤا عێراقێ وهكو هنارتیێ تایبهت یێ مستهفا كازمى سهروك وهزیرێن عێراقێ ل دوسهیا ئاڤێ دهستنیشانكریه و گوت ، ویسل ئوغلو هنارتیێ تایبهت یێ سهروك كومارێ توركیا بو كاروبارێن ئاڤێ پهروشیا وهلاتێ خو نیشان دایه سهبارهت ب دهستبهركرنا پشكا ئاڤا عێراقێ ژ رویبارێ دیجله
راگههاند ژى كو ل ڤان نێزیكان شاندێ عێراقێ ب سهروكاتیا مههدى رهشید حهمدانى وهزیرێ ژێدهرێن ئاڤا عێراقێ بو ئیمزاكرنا پروتوكولا هاریكاریا دبیاڤێ ئاڤێ دا دگهل توركیا سهرهدانا ئهنقهره بكهت
ههردوو رویبارێن دیجله و فورات ل روژههلاتا توركیا دزێن و ژئاخا سوریا دا دهربازبیت و دگههیته عێراقێ و دهڤهرا قورنه ل ژێریا وى وهلاتى دگههنه ئیك و درژنه كهنداڤا عهرهبى
ههردوو رویبارێن دیجله و فورات وهكو ژێدهرهكێ سهرهكى یێ ئاڤا عێراقێ دهێته هژمارتن و ددهمێ چهند سالێن بورى دا رێژهیا ئاڤێ تێدا كێم بوویه ئهڤهژى ژ ئهنجامێ كێم باران بارینێ بوویه
