ئهڤرو سەربەست تروانشی ئەندامێ جڤاتا سەركردایەتیا پارتی و بەرپرسێ لقێ ئێكێ پارتى دیموكراتى كوردستان ل بارەگایێ لقێ پێشوازی ل ئیحسان ئامێدی بەرپرسێ ناڤەندا خانی یا رهوشهنبیرى و راگههاندنێ و ڕێڤەبەرێن نوی یێن تێلەفزیونا دهۆک، رادیۆیا دھۆك، ڕۆژناما ئەڤرۆ و گۆڤارا سڤۆرە ، نیوز روم و چاپخانا خانى كر.
ل دەستپێكێ بەرپرسێ لقێ ب ناڤێ خو و لقێ ئێك پیڕۆزباھیا ھەڤالێن دەست ب كاربوویی ب ئەركێ خو یێ نویی کر و پشتەڤانیا خو ژی بۆ دا دیاركرن، ھەروەسا سوپاسیا ڕێڤەبەرێن بەرێ كر كو شوین تبلێن وان د خزمەتکرنا ڕاگەھاندنێ دا دیارن، ههروهسا بەرپرسێ لقێ دووپاتكر کر و گوت :
ل ڤی وەڵاتی هندەک لایەن بزاڤێ دكهن خەلکی بێ ئومێد بکەن، دڤێت ڕاگەهاندنا مە، تاکێ کورد ئاگەهدار و هشیار بکەت و ل هەر جهەکێ بیت ب ئەرکێ بەرپرسیاریا خو ل بهرامبهر پاراستنا هەرێما کوردستانێ ڕاببیت و ئاگههدارى نەخشە و پیلانێن دوژمنێن گەلێ خو بن، هەروەسا گوت : ئەڤرۆ ب دەهان هزار قەهرەمان هەنە ژ بۆ بەرڤانیکرنێ ژ ئاخا خو، سەرێ خو ل سەر سەنگەرێن بەرخودانێ دانن.
