ئهڤرو نێچیرڤان بارزانى سهروكێ ههرێما كوردستانێ پێشوازى ل نزار خهیروللا بریكارێ پێشكهفتى یێ وهزارهتا دهرڤه یا عیراقێ و سهروكێ لیژنا بلندا ئامادهكاریان بو سهرهدانا قهداسهتا پاپایێ فاتیكانێ بو عیراقێ وههرێما كوردستانێ كر .
ددیدارهكێ دا لدهستپێكێ كورتیهك سهبارهت ئامادهكارى و بهرنامێ سهرهدانا خو پێشكێشى نێچیرڤان بارزانى كر و خوشحالیا خو ب هاریكارى وههماههنگیا دناڤبهرا لایهنێن پهیوهندیدارێن حكومهتا عیراقا فیدرال وههرێما كوردستانێ دیاركر ودووپاتكر كو ههمى رێكار و رێ وجهێن پلان بو دانایى ل عیراق وههرێما كوردستانێ هاتینه ئامادهكرن وههردولا دههماههنگى وپهیوهندیێ دا دبهردهوامن . ژلایێ خوڤه نێچیرڤان بارزانى سهروكێ ههرێما كوردستانێ سهرهدانا قهداسهتا پاپایێ فاتیكانێ بو عیراقێ وههرێما كوردستانێ ب دیروكى ل قهلهم دا كو دێ دهنگڤهدانهكا جیهانى ههبیت. ههروهسا دهستخوشى ل ههدوو تیمێن ئامادهكاریان یێن سهرهدانا پاپایى بو عیراق و كوردستانێ كر. سهروكێ ههرێما كوردستانێ ئاماژه ب پهیام وگرنگیا سهرهدانا قهداسهتا پاپاى بو عیراقێ وههرێما كوردستانێ كر كو دهرگهههكێ بهرفرههترێ جیهانى دێ بسهر عیراقێ وههرێما كوردستانێ ڤهكهت . و گوت جهێ خوشحالیا ههمى پێكهاتایه ودهرفهتهكه ژى بو بهێزكرنا كلتورێ پێكڤهژیانێ ولێبورینێ وئێكدوو قهبویلكرنێ دناڤبهرا ههمى پێكهاتان دا
