قونسلێ گشتى یێ بریتانیا ل هه‌رێما كوردستانێ راگه‌هاند ، بریتانیا دڤێت رێكه‌فتنه‌كا ده‌مدرێژ دناڤبه‌را هه‌ولێر و به‌غدا ل سه‌ر پرسا دارایى و بودجێ بهێته كرن ، ئاماژه ب وێ چه‌ندێ كر ئه‌و د گه‌له‌ك بیاڤان دا هه‌ماهه‌نگیێ دگه‌ل هه‌رێما كوردستانێ دكه‌ن ب تایبه‌ت دپرسا چاكسازیێ دناڤبه‌را هێزێن پێشمه‌رگه‌ى و رێكخستنا وان و رێكخستنا هێزێن پێشمه‌رگه‌ى
جێمس سورنتن قونسلێ گشتى یێ بریتانیا ل هه‌رێما كوردستانێ گوت ، وه‌كو دوسته‌كێ هه‌رێما كوردستانێ مه دڤێت رێكه‌فتنه‌كا ده‌مدرێژ دناڤبه‌را هه‌ولێر و به‌غدا ل سه‌ر پرسا دارایى و بودجه بهێته كرن ، ب تایبه‌ت ل سه‌ر پرسا دارایى و ئه‌م دگه‌ل به‌رپرسێن عێراقێ به‌حس دكه‌ین ، بو گه‌هشتن ب رێكه‌فتنێ دگه‌ل به‌غدا و نوكه ژى پروژه قانونا بودجێ بو جڤاتا نوینه‌رێن عێراقێ هاتیه هنارتن ، هیڤیدارم لایه‌نێن سیاسى وى پروژه‌ى په‌سه‌ند بكه‌ن
گوت ژى ، سه‌باره‌ت هه‌ماهه‌نگیا مه دگه‌ل حكومه‌تا هه‌رێما كوردستانێ ، مه د گه‌له‌ك بیاڤان دا هه‌ماهه‌نگى هه‌یه ، ئێك ژوان به‌رنامان ژى كو مه زور كار ل سه‌ر كرى ، به‌رنامێ چاكسازیێ یه دناڤبه‌را وه‌زاره‌تا پێشمه‌رگه‌ى و ب تایبه‌ت ژى بزاڤان بو رێكخستنا هه‌مى هێزێن پێشمه‌رگه‌ى و رێكخستنا وان دكه‌ین.
