ئه‌ڤرو ب فه‌رمانا جوبایدن سه‌روكێ ئه‌مریكا فروكێن شه‌رى یێن ئه‌مریكى دوو گروپێن چه‌كدارى ل سوریێ بومبه‌بارانكرن ، كو لایه‌نگرێن ئیرانێ دبه‌رنیاسبوون ، بریتانیا پشته‌ڤانیا خو بو ڤێ هێرشا ئاسمانى یا ئه‌مریكى لسه‌ر گروپێن چه‌كدار دوپاتكر
دڤى بیاڤى دا ل پێگه‌هێ خو یێ تایبه‌ت ل سه‌ر تورا جڤاكى یا تویته‌ری وه‌زاره‌تا ده‌رڤه یا بریتانیا ل سه‌ر زمانێ دومنیك راپ وه‌زیرێ ده‌رڤه‌یێ بریتانیا نڤیسیه ، بریتانیا پشته‌ڤانیا به‌رسڤێن ئه‌مریكا دكه‌ت دژى گروپێن چه‌كداریێن كو هێرش كرینه سه‌ر بنگه‌هێن هه‌ڤپه‌یمانان ب ئارمانجا تێكدانا سه‌قامگێریا ده‌ڤه‌رێ ، ئه‌م دزانین هێر‌شێن ملیشیاتان ل كیڤه نه و هه‌ڤپشكیا ئه‌مریكا دكه‌ین دكاركرنێ دا ژلایێ خوڤه لیود ئوستن وه‌زیرێ به‌ره‌ڤانیا ئه‌مریكا سه‌باره‌ت هێرشێ پێزانینێن نوى ئاشكرا كرن و راگه‌هاند ، هێرش ل سه‌ر فه‌رمانا راسته‌خو یا بایدن بوو و ب هیرى ئارمانجا خو بجهئینایه
