مه‌سرور بارزانى سه‌روكێ حكومه‌تا هه‌رێما كوردستانێ پێشوازى ل میشێل رێنتینار بالیوزێ هوله‌ندا ل عیراقێ كر .
ددیداره‌كێ دا كو هانز ئاكێر‌بووم قونسولێ هوله‌ندا ل هه‌ولێرێ ئاماده‌بو پێشڤه‌برنا په‌یوه‌ندیان دناڤبه‌را هوله‌ندا وهه‌رێما كوردستانێ هاته به‌حسكرن .
بالیوزێ هوله‌ندا ل عیراقێ ئاماده‌ییا وه‌لاتێ خو بو بهێزكرنا زێده‌ترا په‌یوه‌ندیان دگه‌ل هه‌رێما كوردستانێ ده‌ربرى .
ته‌ئكید لسه‌ر گرنگیا به‌رده‌وامبوونا پشته‌ڤانى و راهێنانا هێزێن پێشمه‌رگه‌ى كر بو روى ب رویبوونا تیرورێ.
سه‌روكێ حكومه‌تێ سوپاسیا پێشته‌ڤانیا هوله‌ندا كر و روناهى ئێخسته سه‌ر چاكسازیێن حكومه‌تا هه‌رێما كوردستانێ بتایبه‌تى د بیاڤێ هه‌مه‌جوركرنا ژێده‌رێن داهاتى و پێشڤه‌برنا كه‌رتێن پێشه‌سازى و چاندنێ كو ده‌رفه‌ته‌كا باش هه‌یه هه‌رێما كوردستانێ مفاى ژ شیان و شاره‌زای و ئه‌زموونا سه‌ركه‌فتییا هوله‌ندا وه‌ربگریت. گرنگیا بجهئینانا رێككه‌فتنا شنگالێ و ڤه‌گه‌راندنا ئارامى و سه‌قامگیریێ بو ده‌ڤه‌رێ ته‌وه‌ره‌كێ دى یێ دیدارێ بوو
