ستیڤن هیكى بالیوزێ بریتانیا ل عیراقێ راگه‌هاند: كو ئه‌نجامده‌رێن هێرشێن موشه‌كى ل عیراقێ دبنه ئه‌گه‌رێ تێكدانا ئارامیێ ل وى وه‌لاتى.
ستیڤن هیكى د هژمارا خو یا تایبه‌تا تویته‌رى لدور هێرشێن موشه‌كى یێن سه‌ر بنگه‌هێ عه‌ین ئه‌سه‌د نڤیسیه: ب توندى هێرشێن موشه‌كى یێن ئه‌ڤرو بو سه‌ر بنگه‌هێ عه‌ین ئه‌سه‌د ئیدانه دكه‌م كو هێزێن هه‌ڤپه‌یمانێن ده‌وله‌تى یێن دژى داعش تێدا د بنه‌جهن.
راگه‌هاند ژى كو هه‌بوونا هێزێن هه‌ڤپه‌یمانێن ده‌وله‌تى یێن دژى داعش ل عیراقێ لسه‌ر داخازا حكومه‌تا عیراقێ یه.
بالیوزێ بریتانیا ل عیراقێ: ئه‌نجامدانا هێرشێن موشه‌كى ل عیراقێ ب هێرشێن تیرورستى بناڤكرینه و نڤیسیه: ئه‌و هێرشێن تیرورستى، بزاڤین به‌رهنگاربوونا داعش دێ ژناڤ به‌ن هه‌روه‌سا دێ بیته ئه‌گه‌رێ تێكدانا ئارامیا عیراقێ.
هه‌تا نوكه چ لایه‌نان به‌رپرسیاره‌تیا خو ژ ئه‌نجامدانا وان هێرشان رانه‌گه‌هاندیه.
لدویڤ پێزانینان وه‌به‌رهێنه‌ره‌كێ ئه‌مریكى ژ ئه‌نجامێ وێ بومبه‌بارانێ ب جه‌لته‌یا دلى گیانێ خو ژ ده‌ست دایه.
