بابهكر زێبارى شیرهتكارێ لهشكرى یێ سهروكێ ههرێما كوردستانێ راگههاند رێكخراوا تیرورستى یا داعش جارهكا دى خو نویكریه و دووباره خو رێكخستیه و دیاركر كو تیرورستێن داعش ل ههمى دهڤهران لڤینان ب رهنگهكێ بهرچاڤ دكهن و ژ نوى خو رێكدێخن بو وێ چهندێ دهولهتا ئیسلامى دروست بكهن و شهرێ وهلاتێن بیانی بكهن ژبهر ڤێ چهندێ شهرێ پارتیزانى دكهن كو چار سال دڤێن داكو خو دروست بكهن و دیاركر كو بهرى نوكه داعش ههمى مهغرێبى و شیشانى و تونسى و و خهلكێ وهلاتێن دى بوون بهلێ نوكه ههمى عیراقى نه و ب روژ كارێ خو دكهن و ب شهڤێ داعشن .
شیرهتكارێ لهشكرى یێ سهروكێ ههرێما كوردستانێ بهحسێ وێ چهندێ كر كو داعش دچنه دهڤهران داكو خهلك هاریكاریا وان بكهن و پتر بهێز بكهڤن ژبهر ڤێ چهندێ چارهسهرى یا ب زهحمهته ئهگهر ب رهنگهكێ دادپهروهرانه سهرهدهرى دگهل رهوشێ نههێته كرن و چارهسهریهكا گونجایى بو نههێته دیتن .
