ئهمریكا وه‌ك به‌رسڤه‌ك بۆ ئیرانێ، چه‌ندین بنگه‌هێن میلیشیاتێن شیعی یێن ل سووریێ بۆمبه‌بارانكرن.
هێزێن ئهمریكا چه‌ندین بنگه‌هێن میلیشیاتێن شیعى یێن نێزیك ئیرانێ بۆمبه‌بارانكرن، جۆ بایدن، سه‌رۆكێ ئهمریكا ژی دڤى بیاڤى دا راگه‌هاند؛ هێرشێن سه‌ر گروپێن چه‌كدارێن شیعى ل ده‌ڤه‌را بووكه‌مال یا روژهه‌لاتێ سووریێ، په‌یامه‌كه بۆ ئیرانێ دا كو بزانیت، كریارێن وێ بێ سزا ده‌رباز نابن.
ئیدارا بایدنی راگه‌هاند، ئه‌و بۆمبه‌بارانكرنا شڤێدێ ل چه‌ند بنگه‌هێن میلیشیاتێن شیعى هاتیه‌كرن به‌رسڤه‌ك بو ، بو هێرشێن مووشه‌كى یێن سه‌رب هێزێن ئهمریكا وهه‌ڤپه‌یمانێن وان ل عیراقێ كو مه‌ره‌م پێ هێرشێن ناڤه‌راستا ڤێ هه‌یڤێ بوون ل هه‌ولێرێ.
دوهى و شڤێدى فرۆكێن ئهمریكا هێرشێن ئه‌سمانی كرینه سه‌ر چه‌ندین بنگه‌هێن میلیشیاتێن شیعان د ناڤبه‌را سووریا و عیراقێ، و ئه‌و گروپێن چه‌كدارێن سه‌ر ب ئیرانێ بۆ ڤه‌گوهاستنا چه‌ك و پێدڤیێن سه‌ربازی و هێزێن مرۆڤى ل وان ده‌ڤه‌ران كار دكه‌ن.
