ب هه‌لكه‌فتا ڕۆژا جیهانییا ئافره‌تان، ئێكه‌تییا ئافره‌تێن كوردستانێ په‌یامه‌ك به‌لاڤكر و تێدا هاتییه:
8ێ مارس، رۆژا جیهانیكرنا پرسا ئافره‌تانه له سه‌رجه‌م جڤاكێن جودا دا و ئه‌و خه‌بات و تێكۆشینا كو چه‌ندین ساله ئافره‌ت كاری بۆ دكه‌ن و خه‌باتكرنا وان چه‌سپاندنا ئێكسانى و دادپه‌روه‌رییێ یه د هه‌ردوو پێگه‌هێن خێزان و جڤاكى دا.
كاركرنا رێكخراوان داكۆكیكارن ل سه‌ر مافێن ئافره‌تان ل جیهانێ ب گشتی و هه‌رێما كوردستانێ ب تایبه‌تی بۆ دووپاتكرن و به‌ره‌فپێشبرنا خواست و داخوازیێن ئافره‌تان بۆ پشكداریكرنا كاراتر یا ئافره‌تان د بیاڤێن جودا دا، ئه‌م وه‌ك ئێكه‌تییا ئافره‌تێن كوردستانێ، دچوارچۆڤێ ستراتیژى و به‌رنامه‌یێ كاركرنا مه دا، ساڵانه ب رێكا خواندن و ڤه‌كۆلینا ره‌وشا ئافره‌تان ل كوردستانێ، پلان و كارێن مه به‌ره‌ڤ ئه‌وی ئاراسته‌یی دچن كو پێدڤییاتیێن ئافره‌تان پێ پڕ ببن.
پێدڤییه نوكه ئافره‌تێن كوردستانێ ئاسته‌نگێن به‌رامبه‌ری خواست و جورێ كاركرنا خۆ راكه‌ن و پشت به‌ستنێ ل سه‌ر هزرێن خو بكه‌ن و بشێن د هه‌مى كارێن خو دا د پێشه‌نگبن.
دروشمێ ئێكه‌تییا ئافره‌تێن كوردستانێ ل رۆژا جیهانییا ئافره‌تاندا پێكهاتییه ژ “خودانا به‌رهه‌می و بڕیار مافێ من ژی یه” مه دڤێت برێكا ڤی دروشمی بێژین هێزا كارێن ئافره‌تان ببیته چه‌قێ گهۆرینا بریارێ ل ناف كارێن جودا دا.
پشته‌ڤانییا به‌رده‌واما حكومه‌تا هه‌رێما كوردستانێ بۆ به‌ره‌ڤپێشچوونا مافێ ئافره‌تان و وه‌ك پره‌نسیپه‌كا چه‌سپایی یا مافێن مرۆڤی و دیموكراسییا كارێن جددی ب رێكا وان بگه‌هینه ئه‌نجامه‌كی، جهێ سه‌رنج و دڵخۆشییێیه بۆ ئافره‌تان و بوویه پالده‌ر بۆ به‌رده‌وامبوونا خه‌باتا ئافره‌تێن كوردستانێ ژبۆ به‌ده‌ستڤه‌ئینانا خواست و ئارمانجان.
ئه‌ڤێ رۆژێ ل سه‌رجه‌م رێكخراوێن ئافره‌تان و ژنێن كوردستانێ و سه‌رجه‌م چالاكڤانا پیرۆز دكه‌ین و خه‌باتا وان بلند دبینین.
