سه‌روك كومارێ فه‌ره‌نسا ئیمانوئیل ماكرون دچارچوڤێ دیداره‌كێ دا دگه‌ل سكرتێرێ گشتى یێ ناتو كو بو دانوستاندنێ لسه‌ر گوپیتكا ناتویێ سه‌ره‌دانا فره‌نسا كر ، ره‌خنێن توند ل توركیا گرتن و داخواز ژ ناتو كر كو ئه‌ندامێن خو ئاگه‌هدار بكه‌ته ڤه
ماكرون ددیداره‌كێ دا به‌حس ل وێ چه‌ندێ كر كو پێدڤیه هه‌مى ئه‌ندامێن ناتو رێزێ ل قانون و رێنمایێن ده‌وله‌تى بگرن و پابه‌ندی رێككه‌فتنێن جیهان بن
ماكرون هه‌روه‌سا گوت ، هنده‌ك وه‌لاتێن ئه‌ندامێن ناتو وان قانون و رێنمایان پێشه‌ل دكه‌ن و ئه‌ڤێ ژى زه‌رر و زیانه‌كا مه‌زنه بو به‌رژوه‌ندیێن ناتو و ئه‌ندامێن دى یێن ناتویێ هه‌یه
ماكرونى گوتیه سكرتێرێ گشتى یێ ناتو كو توركیا ل سوریا و روژ هه‌لاتا ده‌ریایێ سپى و لیبیا و چه‌ندین وه‌لاتێن دى به‌روڤاژى رێكه‌فتن و رێنمایێن ناتویێ سه‌ره‌ده‌ریێ دكه‌ت ژبه‌ر ڤێ چه‌ندێ پێدڤیه ناتو دڤى چارچوڤى دا سیاسه‌ته‌كا روون و توند به‌رامبه‌ر توركیا په‌یره‌و بكه‌ت
