لدویڤ ده‌نگوباسه‌كێ جڤاتا زیندانێن سیاسى یین روژهه‌لاتا كوردستانێ رێكخراوا لێبورینا ده‌وله‌تى سه‌باره‌ت ئه‌گه‌رێ سیداره‌دانا 8 چالاكڤانێن ئه‌هوازێ و به‌لوجستانێ ل ئیرانێ هوشدارى دا و داخواز ژ به‌رپرسێن ئیرانێ كر بزویترین ده‌م سیداره‌دانا وان 8 كه‌سان رابگریت . رێكخراوا لێبورینا ده‌وله‌تى دبه‌یاننامه‌كێ دا داخواز ژ كومه‌لگه‌هێن جیهانى كر ژوان ژى ناڤه‌ندێن مافێن مروڤی یێن نه‌ته‌وه‌یێن ئێكگرتى و ئێكه‌تییا ئه‌وروپا كریه بزاڤان بكه‌ن بو رزگاركرنا وان چالاكڤانان ، دڤى بیاڤى دا دیانا ئه‌لته‌حاوى جێگرا رێڤه‌به‌رێ روژهه‌لاتا ناڤین و باكورێ ئه‌فریقیا گوت به‌رپرسێن رژێما ئیرانێ سزایێ سیداره‌دانێ بو دروستكرنا ترس و نه‌ئارامییێ دناڤبه‌را كێماتێن نه‌ته‌وه‌یێن ئیرانێ و كه‌سێن دى مفاى وه‌ردگریت . هه‌ژى گوتنێ یه هه‌یڤا بورى ل باژێرێن كوردستانا ئیرانێ شه‌پوله‌كا نوى یا ده‌سته‌سه‌ركرن وگرتنا وه‌لاتیێن كورد ژلایێ رژێما ئیرانێ ڤه ده‌ستپێكرییه و هه‌تا نوكه زێده‌ترى 120 كه‌سان ده‌سته‌سه‌ركرینه.
