سه‌روكاتیا په‌رله‌مانێ ئیرانێ راگه‌هاند ، ئه‌گه‌ر حه‌تا بیست و ئێكێ شوباتا ئه‌ڤ ساله سزایێن سه‌ر ئیرانێ نه‌هێنه راكرن سه‌رجه‌م پشكێنه‌رێن ده‌وله‌تى دێ هێنه ده‌رئێخستن و كاركرن ب پروتوكولا ده‌وله‌تى لدور پرسا ئه‌تومى دێ هێنه راوه‌ستاندن
ئه‌حمه‌د فه‌راهانى ئه‌ندامێ سه‌روكاتیا په‌رله‌مانێ ئیرانێ دداخویانه‌یكێ دا ب روسیا توده‌ى راگه‌هاند ، ئه‌گه‌ر سزایێن دارایى و بانكى و نه‌ته‌وه‌یى ل سه‌ر ئیرانێ نه‌هێنه راكرن د هه‌یڤا بهێت دا دێ ده‌ست ب په‌سه‌ندكرنا قانونا په‌رله‌مانى كه‌ین كو تێدا بریار ل سه‌ر ده‌رئێخستنا پشكێنه‌رێن ده‌وله‌تى دایه ، بڤێ چه‌ندێ ژى دێ په‌رله‌مان و حكومه‌ت نه‌چار بن وێ بریارێ بجـهـ بینن
ئاماژه ب وێ چه‌ندێ ژى كر كو جوبایدن سه‌روكێ هه‌لبژارتیێ ئه‌مریكا هه‌یڤه‌ك هه‌یه بو هندێ رێكاران بجهـ بینیت ، ئه‌گه‌ر ئیران دێ به‌ره‌ڤانیێ ژ به‌رژه‌وه‌ندیێن خو كه‌ت و دێ یابه‌رده‌وام بیت د پروسا پیتاندنى یورانیومى دا
ئه‌ندامێ سه‌روكاتیا په‌رله‌مانێ ئیرانێ به‌حس ل وێ چه‌ندێ ژى كر كو رێكه‌فتنا ئه‌تومى بتنێ دێ ژلایێ ئیرانێ ڤه هێته بجهـ ئینان و ئه‌ورپا ژى چ سوز بجهـ نه‌ئیناینه ، ڤێ رێكه‌فتنێ ژى چ مفایه‌ك بو ئیرانێ نینه بتنێ سه‌ر ئێشان نه‌بیت
