محهمهد جهواد زهریف و مهولود چاویش ئوغلو كومبوون و ههردوو لا تهئكید ل سهر پهیوهندیێن دناڤبهرا خودا كر
ئهڤرو محهمهد جهواد زهریف وهزیرێ دهرڤه یێ ئیرانێ سهرهدانا وهلاتێ توركیا كر ودگهل ههڤكیڤێ خو یێ توركى مهلود چاویش ئوغلو كومبوو و لدویڤدا دكونگرهكێ روژنامهڤانیدا كو بو ههردوو وهزیران هاتبوو سازكرن جهواد زهریفى راگههاند پهیوهندیێن ئیران و توركیا دگرنگن و بهرژوهندیێن ههردوو وهلاتان تێدانه.
ژلایێ خوڤه وهزیرێ دهرڤه یێ توركیا چاویش ئوغلوى گوت ل دهستپێكێ ئهم و ئیران و ئهمریكا و ئهوروپى دگهل رێككهفتنا ئهتومى بووین و مه دڤى بیاڤیدا ههڤكارى ژى كر، بهلێ بمخابنى ڤه ل سهر دهمێ ترامپی پێگیری لاوازبوو.
وهزیرێ دهرڤه یێ توركیا گوت ژى مه بهحسێ رهوشا مروڤى ل سوریا كریه و ههروهسا مه دان و ستاندن ژى ل سهر رهوشا روژههلاتا ناڤین كرینه و ب رژدى مه بهحسێ بهێزكرنا پهیوهندییان دناڤبهرا ئیران و توركیا كریه و هیڤیدارین ئابلوقێن ل سهر ئیرانێ بهێنه راكرن.
ژلایێ خو ڤه وهزیرێ دهرڤه یێ ئیرانێ محهمهد جهواد زهریف دیاركر ئیران و توركیا دروژێن دژوار دا ههڤكاریا ههڤدوو كریه . و توركیا ههڤالا روژێن تهنگاڤى یه
زهریفى ههروهسا گوت كاركرنا كارگههێن توركى ل ئیرانێ یا گرنگه و دێ درێژیێ دهینه بازرگانیا دناڤبهرا ههردوو وهلاتان دا