د دهمێ 10 روژان دا نههـ ئافرهتێن كورد ل باژێرێن كوردستانا روژههلات هاتینه دهستهسهركرن و هندهك ژوان پێشكێشى ناڤهندێن ئهمنى هاتینه كرن و دانوستاندن دگهل ئهنجامداینه
رێكخراوا ههنگاو بو مافێن مروڤى بهلاڤكریه دگهل دهسپێكا شهپولا نوى دهستبسهركرنا وهلاتیێن كورد كو 9 ێ كانونا دوێ 2021 دهسپێكر، ب كێمى نههـ ئافرهتێن كورد ل باژێرێن كرماشان و بانه و نهغهده و بوكان و مههاباد ژلایێ ناڤهندهكا ئهمنى یا كومارا ئیسلامى هاتینه دهستهسهركرن
لدویڤ راپورتێ 3 كهس ژوان ژنان بناڤێ نازهنین ئهتابهكى و نهسرین یهزدانى پوور، ئاكنجیا كرماشانێ و تهرانه محهمهدى ئاكنجیا بانه ههمان روژ هاتنه دهستهسهكرن و ئازادكرن و پێنجێن دى هێشتا د دهستهسهركرى نه
ههروهسا راگههاند ، دهریان تالهبانى و نهسرین محهمهدى ئاكنجیێن مههابادن و عهزیمه ناسرى ئاكنجیا بوكانه روژا 9 ى كانونا دووێ 2021 ل باژێرێ مههاباد و تههران و بوكان هاتینه دهستهسهركرن و نوكه ل ئیتلاعاتا سوپایێ ئورمیێ راگرتینه.
ههر ههمان رێكخراو بهلاڤكریه كو ژلایهكێ دیڤه چارهنڤیسێ گهلاوێژ عهبدوللاهى ئاكنجیا نهغهده و فهریبا ئهحمهدى و روژین محهمهد پوور كو ئاكنجیێن بوكانن پار هاتبونه دهستهسهركرن نه دیارن.
