پشتى كو دكومبوونا ئه‌ڤرو یا جڤاتا پارێزگه‌ها هه‌ولێرێ دا، كو ب پشكداریا 23 ئه‌ندامێن جڤاتێ برێڤه‌چووى، ئومێد خوشناو به‌ربژێرێ پارتى دیموكراتى كوردستان ب ده‌نگێ 18 ئه‌ندامێن جڤاتێ ب 24 مین پارێزگه‌رێ نویێ هه‌ولێرێ هاته هه‌لبژارتن.
پاشى ئومێد خوشناو پارێزگه‌رێ نوى یێ هه‌ولێرێ به‌رامبه‌ر ئه‌ندامێن جڤاتێ ژ فراكسیونان گوتاره‌ك پێشكێشكر و راگه‌هاند: مه دڤێت ب پشته‌ڤانیا هه‌وه ناڤ و نیشانێن پوستێ پارێزگه‌رێ بكه‌ینه خزمه‌تكار.
ئومێد خوشناو گوت ژى: سوزێ دده‌ین كو ل سنورێ پارێزگه‌ها هه‌لێرێ په‌یوه‌ندیێن خو باشتر بكه‌ین و دپاشه‌روژێ دا پلانا خو به‌رچاڤ بكه‌ین.
هه‌روه‌سا گوت سوپاسیا هه‌ر تێبینى و ره‌خنه و گازنده‌كێ دكه‌ین ژبو پتر خزمه‌تكرنا وه‌لاتیان و پێشكێشكرنا خزمه‌تگوزاریان و گوت ئه‌ركێ من خزمه‌تا خه‌لكێ پارێزگه‌ها هه‌ولێرێ یه و من پێدڤیا ب هه‌مى ئه‌ندامێن جڤاتا پارێزگه‌هێ هه‌ى و هوین چاڤدێرێن كارێن مه‌نه.
