جوبایدن سهروكێ ئهمریكا بو دهمهكى فروتنا چهكى ب سعودیێ و ئیمارات راگرت دا پێداچونانهكا بهرفرهبو وان رێكهفتنان بكهت كو سهروكێ بهرێ یێ ئهمریكا دونالد ترامپ كرین
ئهنتونی بلینكن وهزیرێ دهرڤه یێ ئهمریكا تهئكید ل وێ چهندێ كر وهزارهتا وان دێ پێداچونێ ب فروشتنا چهكى كهت كو ههلاویستى مایه ژ بهر هندێ دڤێت پێداچونێ ب وان رێكهفتنان بكهن یێن كو ب ملیاران دولاران ژلایێ ترهمپى هاتینه كرن
یوسف عهتیه بالیوزێ ئیمارات ل واشنتون گوت ، ئهڤ پێنگاڤا بایدن سهروكێ ئهمریكا بو راوهستاندنا فروتنا چهكی ب ئیمارات و سعودیێ یا چاڤهرێكرى نهبوو
بالیوزخانا ئیمارات ل واشنتون بهیانامهك بهلاڤكر و تێدا عهتیه ئاماژه كریه كو ئیمارات ب چرى كارى دگهل ئیدارا بایدن دێ كهت حهتا ئارامی و سهقامگێری ل روژ ههلاتێ ناڤهراست پهیداببیت ، ئیمارات ددهمێ ڤهگوهاستنا دهستههلاتێ دا پێشبینیا سیاسهتا نوكه یا ئیدارا بایدن كریه ب تایبهت فروكێن شهرى یێن ئێف 35 كو زێدهتر وهك كهلوپهلیكى لهشكهرى ب ههڤپشكێن خو دفروشیت .
لدویڤ پهیمانگهها ستوكهولم بو ڤهكولینێن ئاشتیێ ئهمریكا ب مهزنترین وهلاته كو چهك فروشتیه ئیمارات و سعودیێ كو رێژا وێ ددهمێ سالێن 2010 حهتا 2019 دا 63 پوینت 7 بو سعودیێ بوو و 61 پوینت 6 بو ئیمارات بوو
