پشتى كو سهروك كومارێ توركیا د گوتارهكێ دا سهبارهت گرژیا دناڤبهرا فلستین و ئیسرائیل دا ب توندى گهف ل جهویان كربوو و راگههانبوو كو خین رشتن د خیناوان دا ههیه ئهمریكا ژى بهرسڤا ئهردوگانى دا و دڤى بیاڤى دا ئاخفتنكهرێ وهزارهتا دهرڤه یا ئهمریكا نید پرس راگههاند كو ئهمریكا وان پهیڤێن ئهردوگانى بهرامبهر جهویان ب چ رهنگهكى قهبیل ناكهت و ب توندى پهیڤێن ئهردوگانى رهتكر .
نید پرس ههروهسا تهئكید كر كو ئهو پهیڤێن ئهردوگانى خزمهتا ئاشتى و ئارامیێ ناكهن بهروڤاژى دێ بنه هاندهر بو زێدهكرنا توند و تیژیێ و ئالوزكرنا رهوشێ .
ناڤبرى ههروهسا گوت نابیت ئهردوگان و پهپرسێن توركیا ئاخفتنێن ژڤى رهنگى بێژن و ئهگهر خهما فلستین و چارهسهركرنا كێشا فلستینیان پێدڤیه ب پشتهڤانیا بزاڤێن واشنتون بكهن بو چارهسهریهكا ئاشتیانه یا كێشا فلستین و ئیسرائیل .
