مه‌سرور بارزانى دگه‌ل سه‌لیم جبورى سه‌روكێ جڤاتا نوینه‌رێن عیراقێ كومبوو

ئه‌ڤرو مه‌سرور بارزانى شیره‌تكارێ جڤاتا ئاسایشا هه‌رێما كوردستانێ دگه‌ل سه‌لیم جبورى سه‌روكێ جڤاتا نوینه‌رێن عیراقێ و شاندێ دگه‌لدا كومبوو. مه‌سرور بارزانى راگه‌هاند ئه‌گه‌رێ سه‌ره‌كى یێن كێشێن عیراقێ بتنێ كێشێن ئه‌منى و ئابوورى نینن،  به‌لكو شكه‌ستن ئینانا سیسته‌مێ سیاسى هاتیه‌ بكارئینان،  كو بویه‌ ئه‌گه‌رێ دروستكرنا بێ باوه‌ریێ دناڤبه‌را پێكهاتان دا، ژبه‌ر ڤێ چه‌ندێ پێدڤییه‌ پێكهاتێن عیراقێ ب زیره‌كانه‌ گه‌نگه‌شێ سه‌باره‌ت واقعى و گه‌ره‌نتیا پێكڤه‌ ژیانێ یا ئاشتیانه‌ دناڤبه‌را وان دا بكه‌ن. كو دگه‌ل سه‌رده‌مێ نوى و پێشكه‌فتیانه‌ بگونجیت.
 شیره‌تكارێ جڤاتا ئاسایشا هه‌رێما كوردستانێ ، ئاماژه‌ ب په‌یوه‌ندیێن دناڤبه‌را هه‌رێما كوردستانێ و به‌غدا كر و راگه‌هاند، ئه‌م و عیراق یێ شه‌رێ دوژمنه‌كێ هه‌ڤپشك دكه‌ین ، به‌لێ به‌غدا هاریكاریا مه‌ ناكه‌ت و د  گه‌له‌ك بیاڤان دا ئاریشان بو مه‌ دروست دكه‌ت. د پشكه‌كا دى یا دیدارێ دا، مه‌سرورى بارزانى راگه‌هاند، مه‌ هزر دكر سیسته‌مێ فیدرالى دێ شێت چاره‌سه‌ریا كێشێن عیراقێ كه‌ت، به‌لێ ئه‌زموونێ سه‌لماند فیدرالى ژى نه‌شێت شه‌راكه‌تا راسته‌قینه‌ بینیته‌ پێش.
دبه‌رامبه‌ر دا سه‌روكێ جڤاتا نوینه‌رێن عیراقێ ، قه‌هره‌مانى و قوربانیدانا هێزێن پێشمه‌رگه‌ى د روى ب روى بوونا تیرورستێن داعش دا و سه‌باره‌ت ئاسایش و ئارامیا هه‌رێما كوردستانێ بلند سه‌نگاند، هه‌روه‌سا به‌حسێ ره‌وشا ئه‌منى و سیاسى و ئابوورى یا عیراقێ كر و پێشبینیێن خو سه‌باره‌ت كێشه‌ و ئاسته‌نگێن گوهورینێن كابینا نوى یا حكومه‌تا عیراقێ ، كو پێشبینى دهێته‌ كرن د ده‌مێ بهێت دا بێت ئه‌نجام دان.

2016-03-12
2264