تارق گه‌ردى: دڤێ هه‌یڤێ دا دێ حكومه‌تا نوى یا عیراقێ هێته‌ پێكئینان

دكتور تارق گه‌ردى جێگرێ سه‌روكێ فراكسیونا پارتى دیموكراتى كوردستان د جڤاتا نوینه‌رێن عیراقێ دا بو مالپه‌رێ فه‌رمیێ پارتى دیموكراتى كوردستان راگه‌هاند
 ژلایێ سه‌روكاتیا جڤاتا وه‌زیرێن عیراقێ ڤه‌ لیژنه‌یه‌ك هاتیه‌ ده‌ستنیشانكرن كو ژ كه‌سێن شاره‌زا و بسپور پێك دهێت بو گه‌نگه‌شه‌كرنا لیستێن ژ لایێ كوتلێن سیاسى ڤه‌ هاتینه‌ پێشكێشكرن كو ل دویماهیك كومبوونا حه‌یده‌ر عه‌بادى دگه‌ل كوتلێن سیاسى هاتبوو ره‌وانه‌كرن بو كوتلێن سیاسى و سه‌ركردایه‌تیا سیاسى یا كوردى داكو بهێته‌ گه‌نگه‌شه‌كرن
بو ڤێ مه‌به‌ستێ داكو بهێته‌ زانین چ پوستێن وه‌زارى بو كوردان دێ هێنه‌ دان و ئه‌رێ پشكا بیست ژ سه‌دێ یا كوردا دێ هێته‌ بجه ئینان و ئه‌گه‌ر نه‌هێته‌ بجه ئینان ل وى ده‌مى كوتلێن سیاسى یێن كوردى ب گه‌نگه‌شه‌ و هه‌ماهه‌نگیێ دگه‌ل سه‌ركردایه‌تیا سیاسى یا كوردى دا به‌حسبكه‌ن .
هه‌روه‌سا گوت : هه‌تا نوكه‌ سه‌باره‌ت حكومه‌تا عه‌بادى دوو بوچون هه‌نه‌ ئێك كابینه‌ ببیته‌ شازده‌ وه‌زاره‌ت و بڤێ چه‌ندێ كورد ژ سێ وه‌زاره‌تان كێمتر ناوه‌رگرن و یا دووێ وه‌كى خو بمینیت كو ژ بیست  و دوو وه‌زاره‌تان و پشكا كوردان ل وى ده‌مى ژ چوار وه‌زاره‌تان كێمتر نابت .

2016-03-12
5134