هاشم بریفكانى : سه‌روك وه‌زیرێن عیراقێ مافێ وێ چه‌ندێ نینه‌ مووچێ ئه‌ندامێن جڤاتا پارێزگه‌ها نه‌ینه‌وا ببریت

لیستا ده‌وله‌تا قانونێ پشنیار بو سه‌روك وه‌زیرێن عیراقێ كریه‌ كو ئه‌و ئه‌ندامێن جڤاتا پارێزگه‌ها مویسل ده‌نگ بو وێ چه‌ندێ داى كو  حه‌شدا شه‌عبى پشكداریێ  د پروسا رزگاركرنا مویسل دا  نه‌كه‌ت موچێ وان نه‌هێته‌ دان
دبه‌رامبه‌ردا جێگرێ سه‌روكێ لیژنا ئاسایش و به‌ره‌ڤانیێ ل جڤاتا پارێز گه‌ها مویسل دبێژیت سه‌روك وه‌زیر نه‌شێت موچێ چ ئه‌ندامه‌كێ جڤاتێ ببریت
هاشم بریفكانى جێگرێ سه‌روكێ لیژنا ئاسایش و به‌ره‌ڤانیێ ل جڤاتا پارێزگه‌ها مویسل بو مالپه‌رێ فه‌رمیێ  پارتى  دیموكراتى كوردستان راگه‌هاند موچێ ئه‌ندامێن جڤاتێ ل دویڤ قانونا دیاركرى یا سه‌روك وه‌زیرێن عیراقێ نه‌شێت ل سه‌ر هه‌لویسته‌كێ ب ڤى ره‌نگى موچێ مه‌ ببریت ژ به‌ر وێ چه‌ندێ  ده‌نگدان بو ره‌تكرنا پشكدارى كرنا حه‌شدا شه‌عبى د پروسا رزگاركرنا مویسل دا كو دپروسه‌یه‌كا دیموكراسى دا ئه‌نجام دایه‌ هنده‌ك دژى وێ بون و پتریا  وان ژى  ره‌ت كرینه‌
بریفكانى  گوت ژى  ئه‌و پشنیاره‌ ژلایێ لیستا ده‌وله‌تا قانونێ ڤه‌كریه‌  به‌لێ سه‌روك وه‌زیرێن عیراقێ  نه‌شێت پێگریێ پێ بكه‌ت  ژ به‌ر ڤێ چه‌ندێ كاره‌كێ نه‌قانونیه‌ و باوه‌رناكه‌م ئه‌و ب خو ژى ڤى كارى بكه‌ت

2016-03-06
2040