ساندرێلا دى پیپو : وه‌لاتێ ئیتالیا دێ 8 فروكێن هه‌وارهاتنێ پێشكێشى هه‌رێما كوردستانێ كه‌ت


    ئه‌ڤرو سپێدێ به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز ساندرێلا دى پیپو  كونسلا وه‌لاتێ ئیتالیا ل هه‌رێما كوردستانێ و شاندێ دگه‌لدا كر ,
دهه‌ڤدیتنه‌كێ دا ب ئاماده‌بونا هاریكارێ پارێزگه‌رێ دهوكێ بو كاروبارێن مروڤایه‌تى به‌حسێ ره‌وش و سه‌روبه‌رێ ئاواره‌ و په‌نابه‌را و به‌رنامێن كارگێریا پارێزگه‌ها دهوكێ یێن هاریكارى كاریكرنا ئاواره‌ و په‌نابه‌را هاته‌ كرن ,
پارێزگه‌رێ دهوكێ كورتیه‌ك دا سه‌ر سه‌روبه‌رى و سوپاسیا وه‌لاتێ ئیتالیا كر بو وێ پشته‌ڤانیا به‌رده‌وام ئه‌وا ژ ده‌ستپێكا شه‌رێ داعش بو كوردستانێ كرى كر و هیڤى خواست كو ئاستێ تێكه‌لییێن كوردستانێ و وه‌لاتێ ئیتالیا هه‌مى بیاڤا ڤه‌گریت و ل ده‌مه‌كێ نێزیك سه‌رمایه‌دار و كومپانیێن ئیتالى قه‌ستا كوردستانێ بكه‌ن و پروژێن وه‌به‌رئینانێ ربجه بینن و تێكه‌لى نه‌بتنێ دئاستێ له‌شكرى و مروڤایه‌تى دا بن  ,
ژلایێ خوڤه‌ كونسلا وه‌لاتێ ئیتالیا خوشحالیا خو دیار كر ب سه‌ره‌دانا پارێزگه‌هێ و ده‌ست خوشى ل حكومه‌تا هه‌رێمێ و كارگێریا پارێزگه‌ها دهوكێ كر بو وێ كارێ مروڤایه‌تى یێ مه‌زن یێ حه‌واندنا رێژا مه‌زن یا ئاوارا و ب كاره‌كێ مروڤایه‌تى یێ مه‌زن هژمارت ,
دپرینس كونفرانسه‌كى دا .
به‌راهیێ پارێزگه‌رێ دهوكێ ئاماژه‌ كره‌ ئارمانجا سه‌ره‌دانێ و ئه‌و هاریكاریێن به‌رده‌وام یێن وه‌لاتێ ئیتالیا بو كوردستانێ كرین و دكه‌ت و گوت : وه‌لاتێ ئیتالیا نوێنه‌راتیا خو یا دبلوماسى ل سه‌ر ئاستێ كوردستانێ به‌رفره‌ه تربهێز تر  لێكریه‌ و بویه‌ كونسلیا گشتى ئه‌ڤه‌ژى جهێ دلخوشیێ یه‌ و نیشانا هندێ یه‌ كو پێتر په‌وه‌ندیێن سیاسى و ئابورى وسه‌ربازى ژى دنافبه‌را كوردستانێ و  وه‌لاتێ ئیتالیا بهێت رلێ بهێن ,,
دیسان گوت : وه‌لاتێ ئیتالیا گه‌له‌ك چالاكى یێن جوره‌ و جور ل سه‌ر ئاستێ هه‌رێمێ ب تایبه‌تێ ل پاریَِزگه‌ها دهوكێ ئه‌نجام داینه‌ و ژ چالاكیێن ساخله‌میێ ده‌ست پێكریه‌ هه‌تا ئه‌ڤرو گه‌هه‌شتیه‌ سیاسى و سه‌ربازى و هیفى دارین ل سه‌ر ئاستێ بازرگانى و بزنسێ ژى كوپ ێتر كومپانیێن ئیتالى قه‌ستا هه‌رێمێ و پارێزگه‌ها دهوكێ  بكه‌ن ,
دده‌رباره‌ى زێده‌كرنا هاریكاریا بو ئاوارا .. پارێزگه‌رى دیار كر كو هه‌مى پێزانیێن دورست ل سه‌ر ئاواره‌ و په‌نابه‌را یێن داینێ  و ل وه‌لاتێ ئیتالیا وه‌ختى مه‌ سه‌ره‌دان كرى مه‌ هه‌مى پێزانین یێن داینێ و وان به‌رنامه‌ یێن هه‌ین ئه‌ڤرو ئه‌و دێ سه‌ره‌دانا كومپه‌كێ كه‌ت كو یونیسیف ب وى كارى رادبیت و ب پشته‌ڤانیا وه‌لاتێ ئیتالیا ,
دده‌رباره‌ى خو به‌رهه‌ف كرنێ بو شه‌رى میسل و كا پارێزگه‌ه به‌رهه‌ڤه‌ پێشوازیا ئاوارا بكه‌ت : پارێزگه‌رێ دهوكێ كوت : هه‌كه‌ ئه‌م بێژین به‌رهه‌ڤه‌ نه‌ یا به‌رهه‌ڤ نینه‌ لێ حازرى یێ دهێنه‌ كرن و ژمێژه‌ حازرى دهێنه‌ كرن پێتر ژ ساله‌كێ یه‌ دنافبه‌را مه‌ یو ئێنێ دا و مه‌و حكومه‌تێ دا تا نوكه‌ تشتێ تیورى هاتیه‌ كرن و بدلى مه‌ نینه‌ و هه‌كه‌ بهێته‌ گوتن كو دهوك به‌رهه‌ڤه‌ نه‌ ب چ رویه‌كى یا به‌رهه‌ڤ نینه‌ لێ هه‌كه‌ هنده‌ك جار تشت ل سه‌ر مروڤى دهێته‌ سه‌پاندن ئه‌و بابه‌ته‌كێ دیه‌ لێ وه‌كو پارێزگه‌ه ئه‌م نه‌دئاماده‌ینه‌ زێده‌تر چونكى ئێدى باژێریت پارێزگه‌ها دهوكێ ته‌حه‌ملێ ناكه‌ن به‌رده‌وام دان و ستاندن دگه‌ل حكومه‌تا هه‌رێمێ و رێكخراوێن UN   دهێنه‌ كرن  و جهێ داخێ یه‌ حكومه‌تا ئێراقێ ب هیچ ره‌نگه‌كى خو ل ڤان بابه‌تا نه‌كریه‌ خودان نه‌ بو وان ئاوارێن نوكه‌ ل دهوكێ و نه‌ بو ئاوارێن بهێن و رزگار كرنا میسل ب چ ره‌گا خو ل بابه‌تێن مروڤایه‌تى و ئاوارا ناكه‌ته‌ خودان  وه‌سایه‌ خو دێ بیژێ ئه‌ڤه‌ نه‌ هاولاتیێن ئێراقێ نه‌ ئاواره‌ بوین .
ژلایێ خوڤه‌ كونسلا وه‌لاتێ ئیتالیا ل هه‌رێما كوردستانێ .. خوشحالیا خو دیار ب سه‌ره‌دانا پارێزگه‌ها دهوكێ  و گوت : ئه‌م یێ ل ڤێرێ چونكێ مه‌ پروژه‌كێ گه‌له‌ك گرنگ یێ هه‌ى و قوناغا وى یا ئێكێ ب دیماهیك هاتیه‌  و ئه‌م گه‌له‌ك دبوارێ ساخله‌میێ دا ئه‌كتیڤن و هاریكاریا هه‌ڤالێن خو دكه‌ین ل كه‌رتێ ساخله‌میێ ب تایبه‌ت ساخله‌میا زاروكادا و ئه‌م دێ به‌رده‌وام بین ل سه‌ر ڤان ه‌هاریكاریا ب رێكا رێكخراوا ئاى سپو یا ئیتالى و ساخله‌میا جیهانى  و مه‌ هنده‌ك كونالێن دیژى یێن هه‌ین یێن هاریكاریێ ئه‌م دزانین كو كه‌رتێ ساخله‌میێ كه‌رته‌ك زور گرنگه‌ له‌وما ئه‌م هاریكاریێ دڤى كه‌رتى دا دكه‌ین چونكى خه‌لكێ ساخله‌م دشێت جڤاكه‌كێ ساخله‌م ئاڤا بكه‌ت ,
دده‌رباره‌ى نویژه‌نكرنا به‌نداڤا میسل و پاراستنا وێ ژلایێ وه‌لاتێ ئیتالیا ڤه‌ : گوت :  ئه‌ز دشێم بێژم ئه‌ف گریبه‌سته‌ هاتیه‌ ئیمزا كرن و من گه‌له‌ك پێزانین ل سه‌ر ڤى بابه‌تى نین نلێ یا ئه‌ز دزانم كو گریبه‌ست هاتیه‌ ئیمزا كرن و له‌شكرێ ئیتالى و كومپانیێن ئیتالى دماوێ روژا دا یان هه‌یڤا دا دێ ل سكرێ میسل بن ,
ددره‌باره‌ى به‌رده‌وامى دانا ئیتالیا ل سه‌ر هاریكاریێن كوردستانێ و پێشمه‌رگه‌ى دا گوت : ئیتالیا دێ به‌رده‌وامیێ ده‌ته‌ هاریكاریێن خو بوپێشمه‌رگه‌ى و كوردستانێ نوكه‌ ئه‌م راهینانێ و مه‌شقێ ب پێشمه‌رگه‌ى دكه‌ین ل هه‌ڤلێرێ و ئه‌ترویشێ و مه‌پێتر ژ 200 سه‌ربازێن مه‌شق و راهینانێ  یێ ل كوردستانێ هه‌ین و ل ڤان نێزیكا 130 سه‌ربازێن دى دێ هێنه‌ كوردستانێ بو هه‌مان مه‌ره‌م دیسان ئه‌م دێ 8 هه‌لیكومپته‌را ژى ده‌ینه‌ كوردستانێ بو كاروبارێن هه‌وار هاتنێ و لیكه‌ریانێ و ئه‌م هه‌رده‌م ئاماده‌ینه‌ بو بجهئینانا داخازیێن پێشمه‌رگه‌ى

2016-03-06
3136