سه‌فین دزه‌یى: دگه‌ل زێده‌بوها بهایێ نه‌فتێ خشتێ موچه‌یى دێ هێته‌ راستڤه‌كرن

د دیداره‌كێ دا دگه‌ل ئاژانسا ده‌نگ و باسێن بلومبێرگ سه‌فین دزه‌یى ئاخفتنكه‌رێ حكومه‌تا هه‌رێما كوردستانێ راگه‌هاند ، هه‌رێما كوردستانێ ب كوژمێ هه‌ژده‌ ملیار دولاران یا ده‌ینداره‌ ، كو دوو ملیار و پێنج سه‌د ملیون دولار تایبه‌تن ب موچێ چوار هه‌یڤێن دوماهیكا سالا بورى یێن فه‌رمانبه‌رێن هه‌رێما كوردستانێ . هه‌روه‌سا قه‌رێن هه‌رێمێ وان كومپانیێن نه‌فتێ ژى ڤه‌دگریت كو ل هه‌رێما كوردستانێ كار دكه‌ن.
ب گوتنا ناڤبرى ، ژ ئه‌گه‌رێ نزمبوونا بهایێ نه‌فتێ ، داهاتێ هه‌رێما كوردستانێ ژ فروتنا نه‌فتێ ژ هه‌شت سه‌د ملیون دولاران بو چوار سه‌د ملیون دولار د هه‌یڤه‌كێ دا كێم بوویه‌، هه‌ر ژبه‌ر ڤێ چه‌ندێ ب مه‌ره‌ما كێمكرنا قه‌یرانا دارایى، ب ره‌نگه‌كێ ده‌مه‌كى ژ سه‌دێ پازده‌ حه‌تا حه‌فتێ و پێنج موچێن فه‌رمانبه‌رێن هه‌رێمێ كێم كریه‌ و پشتى بلندبونا بهایێ نه‌فتێ د بازارێن جیهانێ دا، سیسته‌مێ دانا موچێن فه‌رمانبه‌ران ژى دێ وه‌كى به‌رێ لێ هێته‌ ڤه‌.

 

2016-03-04
1733