ێڤی
دهوك: وه‌زیرێ په‌روه‌ردا حكومه‌تا هه‌رێما كوردستان كومبوونه‌كا به‌رفره‌ه دگه‌لرێڤه‌به‌ر و ماموستایێن پارێزگه‌ها دهوكێ گرێدا
Untitled document

 دكتور عسمت خالد وه‌زیرێ په‌روه‌ردا حكومه‌تا هه‌رێما كوردستانێ ل هولا سه‌نته‌رێ ره‌وشه‌نبیرى یێ زانكویا دهوك كومبوونه‌كا به‌رفره‌ دگه‌ل رێڤه‌به‌رێن په‌روه‌ردێ و سه‌رپه‌رشتیارێن په‌روه‌رده‌یى و هژماره‌كا زور ژ رێڤه‌به‌رێن قوناغێن سه‌ر ب پارێزگه‌ها دهوكێ ڤه‌ گرێدا
دوێ كومبوونێ دا كو هژماره‌كا ماموستایێن زانكویا دهوكێ ژى دبه‌رهه‌ڤبوون وه‌زیرێ په‌روه‌ردێ روناهى ئێخسته‌ سه‌ر ره‌وشا په‌روه‌ردێ ل هه‌رێما كوردستانێ ب گشتى و پارێزگه‌ها دهوكێ بتایبه‌تى و  دیار كر كو ب پشته‌ڤانى و راسپاردێن نێچیرڤان بارزانى سه‌روكێ حكومه‌تا هه‌رێما كوردستانێ بو كه‌رتێ په‌روه‌ردێ دێ ستراتیجیه‌تا نوى و دوم درێژ بو ڤى كه‌رتێ هه‌ستیار هێته‌ دانان و راگه‌هاند كو وى دگه‌ل لیژنا په‌روه‌ردێ د په‌رله‌مانێ كوردستانێ دا گه‌نگه‌شه‌ لسه‌ر دانان میكانیزمه‌كا گونجاى بو پروژه‌ قانونێن كو پێتڤیه‌ بو كه‌رتێ په‌روه‌ردێ بهێته‌ ده‌رئێخستن و بو وێ مه‌ره‌مێ ژى وه‌زیرێ په‌روه‌ردا حكومه‌تا هه‌رێما كوردستانێ ره‌شنڤیسا پروژه‌كێ پێشنیاركرى بو هه‌مى كێشه‌ و ئالوزیێن دكه‌ڤنه‌ درێكا پێشڤه‌برنا ڤى كه‌رتێ گرنگ بو به‌رهه‌ڤبوویان شروڤه‌كر و داخواز ژ هه‌مى لایه‌كى كر كو ڤى پروژه‌ ب پێشنیار و بوچوونێن خو زه‌نگین بكه‌ن تا كو ل دمێن بهێت بكه‌ڤیته‌ كارى و پروسێسا په‌روه‌رده‌ پێتڤى ب پروسێسه‌كا نویتر و به‌رده‌وامه‌ و پێتڤیه‌ هه‌مى لایه‌ك خو پێش بێخیت
ل دوماهیێ ژى ده‌لیڤه‌ بو به‌رهه‌ڤبوویان هاته‌ دان كو دیتن و بوچوونێن خو لسه‌ر پروژێ ناڤبرى و چه‌ندین بابه‌تێن دى یێن گرێداى كه‌رتێ په‌روه‌ردێ بو وه‌زیرێ په‌ره‌وه‌ردێ دیار بكه‌ن ب مه‌ره‌ما چاره‌سه‌ركرنێ

2012-05-13
245
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid