ێڤی
ئاژانسا پرێس هێرالد : عیراق دئه‌ڤ ساله‌دا نه‌شێت مووچێ فه‌رمانبه‌ران دابین بكه‌ت

د راپۆرته‌كا ئاژانسا پرێس هێرالد دا ئاماژه‌ ب وێ چه‌ندێ هاتیه‌كرن, كو نه‌فت  سه‌دێ نوت ژ داهاتێ حكومه‌تا عیراقێ پێكئینایه‌ و نوكه‌ ژى ژبه‌ر نزمبوونا بهایێ نه‌فتێ د بازارێن جیهانێ دا, به‌غدا نه‌شێت مووچێ حه‌فت ملیون كه‌سێن وه‌لاتیێن خو دابین بكه‌ت, ژێده‌رێ ناڤبرى داخویانیێن شیره‌تكاره‌كێ ئابوورى ڤه‌گوهاستینه‌ كو زێده‌بارى داخویانیێن حه‌یده‌ر عه‌بادى, سه‌روك وه‌زیرێن حكومه‌تا عیراقێ ل سه‌ر برێڤه‌برنا كاروبارێن وه‌لاتى, ب گومانه‌ ژ وێ چه‌ندێ كو به‌غدا نه‌شێت د هه‌یڤێن دویماهیێ ژ ئه‌ڤ ساله‌ بتنێ كه‌ل و په‌لێن ده‌رڤه‌ ژى بكریت و ئه‌ركێن ده‌وله‌تێ ژى ب ره‌نگه‌كێ ئاسایى برێڤه‌ ببه‌ت.
هه‌ر د راپورتێ دا هاتیه‌ كو عیراق لدویڤ قه‌رێن زێده‌ترێن ده‌وله‌تى دگه‌ڕیێت بو ده‌ربازبوون ژ قه‌یرانا دارایى و كێمبوونا پاشكه‌فتێ بانكا ناڤه‌ندى و گرفت بو دروست كرینه‌ ژ لایێ پێدانا مووچێ فه‌رمانبه‌رێن حكومه‌تێ.
سالا بوورى حكومه‌تا به‌غدا ملیاره‌ك و بیست و چوار ملیون دولار وه‌ك قه‌رێ ده‌وله‌تى وه‌رگرتیه‌ و واشنتونێ ژى دوو سه‌د و حه‌فت ملیار دولار د چوارچوڤێ قه‌رێن له‌شكه‌رى داینه‌ عیراقێ. ئه‌ڤه‌ د ده‌مه‌كێ دایه‌ كو حكومه‌تا ئه‌لمانیا پێنج سه‌د و پێنجى ملیون دولار پێشكێشى حكومه‌تا به‌غدا كرینه‌ ژبو ئاڤاكرنا عیراقێ.

2016-03-06
6256
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid