ێڤی
كه‌سكێ: پتر ژ 100 تیرورستان هاتنه‌ كوشتن

ل مێحوه‌رێ كه‌سكێ و ئه‌سكى موسل شه‌ر دناڤبه‌را هێزێن پێشمه‌رگه‌ى و چه‌كدارێن تیرورستێن داعش دا رویدا و فه‌رماندێ فه‌وجا ئێك یا سوپایێ ئێك سه‌ر ب هێزێن زێره‌ڤانى ڤه‌ دبێژیت هێزێن پێشمه‌رگه‌ زێده‌تر ژ سه‌د چه‌كدارێن تیروستێن داعش كوشتینه‌.
ماجد سندى فه‌رماندێ فه‌وجا ئێك یا سوپایێ ئێك  سه‌ر ب هێزێن زێره‌ڤانى ڤه‌ راگه‌هاند هێزێن پێشمه‌رگه‌ى شیاینه‌ زێده‌تر ژ سه‌د چه‌كدارێن تیرورستێن داعش بكوژن و ته‌رمێن وان ژى كه‌فتینه‌ ده‌ستێن هێزێن پێشمه‌رگه‌ى.
ناڤبرى هه‌روه‌سا دبێژیت تیرورستێن داعش د وێ هێرشێ دا ئارمانجان وان ئه‌و بوو سنورێن كه‌سكێ و ته‌له‌عفه‌ر و به‌نداڤا مویسل كونترول بكه‌ن، به‌لێ هه‌مى سه‌نگه‌رێن پێشمه‌رگه‌ى  به‌رسڤه‌كا توند یا تیرورستێن داعش دا و هێرشا تیرورستێن داعش تێك شكاند ب ڤى ئه‌گه‌رى زیانێن گیانى و مادى هه‌بوون ژبلى وێ چه‌ندێ هژماره‌كا ترومبێلان هاتنه‌ سوتن دهه‌مان ده‌م دا زێده‌تر ژ سه‌د ته‌رمێن چه‌كدارێن تیرورستێن داعش دده‌ستێ هێزێن پێشمه‌رگه‌ى دانه‌.
زێده‌تر ماجد سندى گوت فروكێن شه‌رى یێن هه‌ڤپه‌یمانان هاریكاریا پێشمه‌رگه‌ى كریه‌ ژبو كو بشێن هێرشێن به‌رفره‌ه و ژنشكه‌كى ڤه‌ یێن تیرورستێن داعش تێك بشكێنن هه‌روه‌سا پێشمه‌رگه‌ شیاینه‌ هه‌مى وان پێكولێن تیرورستان شكه‌ستنێ پێ بینن.
ژ لایه‌كێ دى ڤه‌ زه‌عیم عه‌لى به‌رپرسێ مێحوه‌رێ روژئاڤا و روژهه‌لاتا دیجله‌ى یێ هێزێن پێشمه‌رگێ كوردستانێ راگه‌هاند زێده‌تر ژ چوارسه‌د چه‌كدارێن تیرورستێن داعش پشكدارى د وێ هێرشێ دا كربوو.

2016-03-04
1722
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid