ێڤی
جڤاتا وه‌زیرێن هه‌رێما كوردستانێ راگه‌هاندنه‌ك به‌لاڤكر

جڤاتا وه‌زیرێن حكومه‌تا هه‌رێما كوردستانێ د بیره‌وه‌ریا سه‌رهلدانێ دا هه‌مى وه‌لاتیێن خوشتڤى یێن كوردستانێ پشت راست دكه‌ت كو ب پشته‌ڤانى و خوراگریا خه‌لكێ هه‌رێما كوردستانێ دێ ژ ڤێ قوناغا سه‌خت و دژوار دا ب سه‌ركه‌فتیانه‌ ده‌ربازبین و حكومه‌تا هه‌رێمێ ژى ژبو ڤێ چه‌ندێ د بزاڤێن به‌رده‌وام دایه‌ ، ب هه‌لكه‌فتا سالروژا بیره‌روه‌سا سه‌رهلدانا هه‌رێما كوردستانێ یا سالا هزار و نه‌ه سه‌د و نوت و ئێكێ جڤاتا وه‌زیرێن حكومه‌تا هه‌رێما كوردستانێ راگه‌هاندنه‌ك به‌لاڤكر و تێدا هاتیه‌ كو سه‌رهلدان توره‌ییا خه‌لكێ هه‌رێما كوردستانێ بو دژى زولم و زورداریا ژلایێ رژێمێن ئێك لدویف ئێك یێن عیراقێ  كو دژى ملله‌تێ مه‌ یێ كورد هاتینه‌ ئه‌نجامدان و خه‌لكێ كوردستانێ ب ئیرادا خو یا بهێز دژى زورداریا رژێما به‌عس راوه‌ستیا هه‌ر وه‌كى نوكه‌ هێزێن پێشمه‌رگێن كوردستانێ د سه‌نگه‌رێن به‌ره‌ڤانیكرنێ دا دژى تیرورستێن داعش رادوه‌ستێن ژ پێخه‌مه‌ت پاراستنا ده‌ستكه‌فتێن هه‌رێمێ، جڤاتا وه‌زیران دیاركر كو ب سه‌ركه‌فتیانه‌ ب پشته‌ڤانى و خوراگریا خه‌لكێ كوردستانێ ژ ڤان قه‌یرانان دێ ده‌ربازبین و ب ئانه‌هیا خودێ سه‌ركه‌فتن هه‌ر بو خه‌لكێ كوردستانێ یه‌، دوباره‌ سالروژا سه‌رهلدانا خه‌لكێ هه‌رێما كوردستانێ پیروزبیت نه‌مرى بو شه‌هیدان و سه‌ركه‌فتنا ئێكجارى بو كوردستانێ
جڤاتا وه‌زیرێن حكومه‌تا هه‌رێما كوردستانێ
چوارى ئادارا دوهزار و شازدێ

2016-03-04
1884
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid