ێڤی
به‌رپرسێ لقێ ئێك سمیناره‌ك لدور ره‌وشا سیاسى یا ده‌ڤه‌رێ پێشكێشكر

ژبو دیاركرن و به‌حس كرن ل سه‌ر نویترین پێشهاتێن سیاسى و له‌شكه‌رى و جوگرافى ئه‌وێن ده‌ڤه‌را رۆژهه‌لاتا ناڤین ڤه‌گرتین و هه‌ڤركیا وه‌لاتێن زلهێزێن جیهانێ دڤێ ده‌ڤه‌رێ دا, ئه‌ڤرۆ ل هولا په‌یمانگه‌ها رۆژ یا كومپیوته‌رى عبدولخالق بابیرى, ئه‌ندامێ جڤاتا سه‌ركردایه‌تیا پارتى دیموكراتى كوردستان و به‌رپرسێ لقێ ئێك سمیناره‌ك بو هژماره‌كا ماموستا و قوتابیێن په‌یمانگه‌ها ناڤبرى ل دهوكێ  پێشكێشكر.
ل ده‌سپێكا  سمینارێ عبدولخالق بابیرى ئاماژه‌ دا سه‌ر ره‌وشا نوكه‌ یا ده‌ڤه‌را روژهه‌لاتا ناڤین د بیاڤێن سیاسى و له‌شكه‌رى و ئابورى دا و سیناریویا گهورینا نه‌خشێ نوى یێ وه‌لاتێن ڤێ ده‌ڤه‌رێ و بدویماهیك هاتنا رێكه‌فتنا سایكس ـ بیكو و هه‌ڤركیا به‌رژه‌وه‌ندیان ژلایێ ئه‌مریكا و هه‌ڤپه‌یمانێن وێ ڤه‌ و روسیا هه‌ڤپه‌یمانێن وێ ژلایه‌كێ دیتر ڤه‌, لدویڤدا به‌رپرسێ لقێ ئاماژه‌ دا ره‌وشا نوكه‌ یا سوریا پشتى بوویه‌ جهێ ململان و هه‌ڤدژیا وه‌لاتان و كارتێكرنا وێ ل سه‌ر وه‌لاتێن هه‌ڤسى. و هه‌روه‌سان  دووپاتى كره‌ ده‌لیڤا سه‌ربخوبوون و ده‌وله‌تبوونێ د ڤان كاودانان دا و دیاركر هه‌رێما كوردستانێ دشێت مفاى ژ ڤێ ده‌لیڤا زێرین ببینیت ژبه‌ركو وه‌لاتێن رێگر و دوژمنێن ملله‌تێ كورد  نوكه‌ د خراپترین ره‌وش دانه‌ نه‌خاسمه‌ دبیاڤێن سیاسى و له‌شكه‌رى دا و هێزا جاران نه‌مایه‌ ژبه‌ر ڤێ چه‌ندێ هه‌ر كه‌سه‌ك و لایه‌نه‌كێ سیاسى ئه‌ڤرو بێژیت نه‌ ده‌مێ راگه‌هاندنا ده‌وله‌تا كوردى یه‌ دێ دیروكه‌كا ره‌ش بو خو توماركه‌ت و دێ بیته‌ نوینه‌رێن دوژمنێن ملله‌تێ مه‌ ل ناف هه‌رێما كوردستانێ  ژبه‌ر كو چ ده‌لیڤا بڤى ره‌نگى بو ملله‌تێ كورد ناهێته‌ ڤه‌ و ده‌م گه‌له‌گێ گونجایه‌.
هه‌روه‌سان به‌رپرسێ لقێ سه‌باره‌ت شه‌رێ نوكه‌ هه‌رێم تێدا به‌رامبه‌ر مه‌زنترین رێكخراوا تیرورستى ل جیهانێ دیاركر پێشمه‌رگێ هه‌رێما كوردستانێ ب نوینه‌رایه‌تیا جیهانا ئازاد و دیموكرات به‌رسینگێ تیرورستان گرتیه‌ و شیاینه‌ ئه‌فسانه‌یا داعش ژناف ببه‌ن و پێشمه‌رگه‌یى ب خوراگرى و قه‌هره‌مانیا خو وه‌لاتێن جیهانێ سه‌رسام كرینه‌ و بووینه‌ مانشێت د میدیایێن جیهانى دا.
هه‌روه‌سان ناڤبرى گوت: ژبه‌ر ره‌وشا هه‌ستیارا نوكه‌ هه‌رێما كوردستانێ تێدا و هه‌ستكرن ب به‌رپرسیاره‌تیا دیروكى و نه‌ته‌وه‌یى, پێدڤیه‌ گه‌نج و قوتابیێن مه‌  دناڤ ته‌خ و چینێن جڤاكى دا ببنه‌ پێشه‌نگ بو خوراگرى و هشیارییا نه‌ته‌وه‌یى به‌رامبه‌ر ڤان كاودانێن ئالوزێن دارایى و سیاسى.

2016-03-02
2972
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid