ب مه‌ره‌ما پیروزباهیكرنێ ل قائیمقامێ  نوى یێ قه‌زا شێخان و ده‌ستبكاربوونا وى, ئه‌ڤرۆ عبدولخالق بابیرى و ئه‌ندامێ جڤاتا سه‌ركردایه‌تیا پارتى دیموكراتى كوردستان و به‌رپرسێ لقێ ئێك ب سه‌روكاتیا شانده‌كێ لقێ سه‌ره‌دانا شێخ سه‌ردار یه‌حیا, قائیمقامێ قه‌زا شێخان كر.
د سه‌ره‌دانا  خودا عبدولخالق بابیرى پیروزباهیێن لقێ ئێك گه‌هاندنه‌ قائیمقامێ نوى ده‌ست بكاربووى و داخوازا سه‌ركه‌فتنێ د كارێ وى دا بو خواست, و هه‌روه‌سان به‌رپرسێ لقێ ته‌كه‌ز ل سه‌ر خزمه‌تكرنا وه‌لاتیێن پارێزگه‌ها دهوكێ كر و دیاركر, خه‌لكێ مه‌ ژ هه‌ژى خزمه‌ته‌كا باش و مه‌زنه‌ د هه‌مى بیاڤێن خزمه‌تگوزارى دا.
ژلایێ خوڤه‌ شێخ سه‌ردار یه‌حیا, قائیمقامێ قه‌زا شێخان  سوپاسیا به‌رپرسێ لقێ ئێك كر بو سه‌ره‌دانا وى و سوزدا هه‌مى شیانێن خو ب مه‌زێخن ژبو باشتركرنا خزمه‌تگوزاریان بو خه‌لكێ سنورێ قه‌زا شێخان و دیاركر, خزمه‌تكرنا خه‌لكى ژ درویشمیێ سه‌ره‌كیه‌ د كارێ مه‌دا.
 د دویماهیا سه‌ره‌دانا خو دا عبدولخالق بابیرى ئاماده‌یى و پشته‌ڤانیا لقێ ئێك بو هه‌ر كاره‌كێ پێدڤى دا دیاركرن.