ێڤی
كومبونه‌ك دگه‌ل لایه‌نێن په‌یوه‌ندیدار ل دور بجهئینانا بریارێن كێمكرنا بهایێن كه‌ل و په‌ل و كریا هاته‌ گرێدان

 ئه‌ڤرو نیڤرو ل كوچكا پارێزگه‌ها دهوكێ به‌هزاد على ئاده‌م جێگرێ پارێزگه‌رێ دهوكێ  ب ئاماده‌بونا نوێنه‌رێ جڤاتا پارێزگه‌ها دهوكێ كومبونه‌كا به‌رفره‌ه دگه‌ل لایه‌نێن په‌یوه‌ندیدار  ل دور بجهئینانا بریارێن كێمكرنا بهایێن كه‌ل و په‌ل و كریا و بهایێ نوژدارو كلینیكا و ڤه‌گوهاستنێ گرێدا ,
دكومبونێ دا سه‌كته‌ر سه‌كته‌ر گه‌نگه‌شه‌ و دان و ستاندن ل سه‌رچاوانیا بجهئینانا ڤان بریارا هاتنه‌ كرن   و بریار هاته‌ دان كو لژنێن تایبه‌ت ب هه‌ر سه‌كته‌ره‌كى ڤه‌ بهێنه‌ پێك ئینان بێخه‌مه‌ت بجهئینانا وان ب ره‌نگه‌كێ سه‌ركه‌فتى و بێ ئاسته‌نگ ,,
دداخویانیه‌كێ دا به‌هزاد على ئاده‌م جێگرێ پارێزگه‌رێ دهوكێ دیار كر كو گه‌نگه‌شه‌كا به‌رفره‌ه هاته‌ كرن بو چاوانیا بجهئینانا ڤان بریارا و گوت : چه‌ندین لیژنه‌ هاتنه‌ پێك ئینان ب تایبه‌ت یێن ساخله‌میێ ل دور كێمكرنا بهایێ كلینیك و خزمه‌تێن ساخله‌میێ رێڤه‌به‌ریا گشتى یا ساخله‌میێ دگه‌ل سه‌ندیكا نوژدار و خودان پێشه‌ یێن ساخله‌میێ دێ كارى ل سه‌ر چاوانیا بجهئینانێ كه‌ن و یێن ڤه‌گوهاستنێ دگه‌ل سه‌ندیكایێن خو و یێن سوته‌مه‌نیێ و هه‌مى سه‌كته‌ر دێ دگه‌ل تایبه‌تمه‌ندا ڤه‌ هێته‌ گه‌نگه‌شه‌ كرن و كار ل سه‌ر بجهئینانا وان هێته‌ كرن و هه‌مى لایه‌ن یان  سه‌كته‌ر دێ ب هه‌فكاریا لایه‌نێن ئیدارى چ  قایمقام یان رێڤه‌به‌رێ ناحیان ئاسایش و پولیس و چاڤدێریا بازرگانى كارێ بجهئینانێ كه‌ن  ,
ل دور روژا بجهئینانا بریارێ گوت : ژ ئه‌ڤرو وێڤه‌ دێ بریار كه‌ڤیته‌ كارى و بشتى ل ئه‌نجومه‌نێ پارێزگه‌هێ بریار ل سه‌ر وان پێشنیارا داى یێن پارێزگه‌هێ داینه‌ ئه‌نجومه‌نى دێ كه‌ڤنه‌ دبوارێ بجهئینانێ دا ,
و هه‌ر كه‌سێ پێگیریێ پێنه‌كه‌ت دىَِ ل دیف یاسایێن تایبه‌ت ب هه‌ر سه‌كته‌ره‌كى ڤه‌ سه‌رده‌رى دگه‌ل وان لایه‌ن و كه‌سا هێته‌ كرن یێن بریارێ  بجه نه‌ئینن ,
ل دور كێمكرنا باجا و تشتێن گرێداى ب حكومه‌تێ ڤه‌ جێگرێ پارێزگه‌رى گوت : باج چ یا داهاتى بیت یان یا خانو به‌را ژ لدیف رێژا وى داهاتى دهێته‌ وه‌رگرتن یێ ژ خودانێ ملكى دهێته‌ وه‌رگرتن بێنه‌ڤیت وه‌ختى كرى كێم بو دێ باجا ویژى كێم بیت ,,
لدور وان پێرابونێن ده‌رهه‌ق وان كه‌سا یێن كریدارا ده‌ردئێخن ژبه‌ر كێمكرنا كریا  .
گوت كه‌س نه‌شێت كریدارى ده‌ربیخیت سه‌را كێمكرنا كرێ و كرێدار دشێت كریا خو بدانیته‌ ده‌ڤ دادگه‌هێ ,,,
دیسان گوت هه‌مى تشت دێ هێنه‌ بها كرن و لژنێن دیف چونێ هه‌بن  و یێن پێگیریێ نه‌كه‌ت دێ هێته‌ سزادان ل دیف یاساى و ئه‌ز هیڤدارم هه‌مى لایه‌ن دهاریكار بن بو بجهئینانا ڤان بریارا چونكى بابه‌ته‌كه‌ گرێداى ژیانا وه‌لاتیان و ب تایبه‌ت ته‌خا كێم ده‌رامه‌ت و داخاز ماموستا یێن ئاینى یێن موسلمان ومه‌سیحى و ئێزدیان كر كو هاریكار بن دگه‌ل پارێزگه‌هێ بو هندێ بریار سه‌كه‌فتى بكه‌ڤنه‌ دبجهئینانێ دا .
  هه‌ژى گوتنێ یه‌ ل روژا 28/2/2016  ئه‌نجومه‌نێ پارێزگه‌ها دهوكێ ئه‌و پێشنیارێن پارێزگه‌هێ بو كێمكرنا بهایان په‌سه‌ند كرن و ب رێژه‌ یێن جودا جودا بریارا كێمكرنا بها هه‌مى سه‌كته‌را هاته‌ دان ..

2016-03-01
2142
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid