ێڤی
بهرپرسێ لقێ 14یێ پارتى پێشوازیا شاندهكێ رى سپى و كهسایهتیێن عهشیرهتا كیكان كر

ئه‌ڤرو عسمه‌ت ره‌جه‌ب به‌رپرسێ لقێ چارده‌یێ پارتى دیموكراتى كوردستان ل باژێرێ دهوكێ پێشوازیا هژماره‌كا كه‌سایه‌تى و رى سپى یێن گوندێ مناره‌ ب سه‌روكاتیا شێخ عه‌بدولره‌حمان كر. لده‌ستپێكێ شێخ عه‌بدولره‌حمان  ب ناڤێ خه‌لكێ گوندێ خو سوپاسى وده‌ست خوشى پێشكێشى سه‌روك بارزانى وهێزێن پێشمه‌رگێن كوردستانێ كرن بو وێ ئارامى وته‌ناهیا ل ده‌ڤه‌را وان په‌یداكرى ولدویڤدا ئاماژه‌ ب پروژێن خزمه‌تگوزارى كر یێن كو پێدڤییه‌ بو خه‌لكێ ده‌ڤه‌رێ بهێنه‌ بجه ئینان ورێز وسوپاسى بوحكومه‌تا هه‌رێما كوردستانێ وخه‌لكێ كوردستانێ هه‌بوون بو وان هاریكاریێن پێشكێشى وان كرین . ژلایێ خوڤه‌ به‌رپرسێ لقێ چارده‌ به‌حسێ ره‌وشا ده‌ڤه‌را مویسل ب گشتى و ئێمناهیا ده‌ڤه‌رێ و رولێ هێزێن پێشمه‌رگه‌ و ئاسایشێ د پاراستنا ئێمناهێ دا ل وان ده‌ڤه‌ران و گیانێ پێكڤه‌ژیان و لێبورینێ دناڤبه‌را هه‌مى پێكهاتێن ده‌ڤه‌رێ داكر ودیاركر یا دشیان دا بیت دێ وه‌ك پارتى دیموكراتى كوردستان بو خه‌لكێ ده‌ڤه‌رێ كه‌ین.

2016-02-29
2111
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid