ێڤی
نێچیرڤان بارزانى پێشوازیا ئه‌لمه‌ر كاتو بالیوزێ وه‌لاتێ فلپین ل عیراقێ و شاندێ دگه‌ل دا كر

 ئه‌ڤرو نێچیرڤان بارزانى سه‌روك وه‌زیرێن هه‌رێما كوردستانێ ل هه‌ولێرێ پێشوازیا ئه‌لمه‌ر كاتو بالیوزێ وه‌لاتێ فلپین ل عیراقێ و شاندێ دگه‌ل دا كر .
د هه‌ڤدیتنه‌كێ دا ئه‌لمه‌ر كاتو خوشحالیا خو ب سه‌ره‌دانا هه‌رێما كوردستانێ ده‌ربرى و سوپاسیێن خو پێشكێشى حكومه‌تا هه‌رێما كورستانێ كرن بو چاره‌سه‌ركرنا رویدانا ئاگربه‌ربوونا ئوتێلا كاپیتول ل هه‌ولێرێ كو ل دویماهیا رویدانێ هژماره‌كا كارمه‌ندێن فلپینى تێدا بووینه‌ قوربانى , و هه‌مى هاریكارى دبیاڤێ ڤه‌كولین و ئاماده‌كاریێن هنارتنا ته‌رمێ قوربانیێن فلپینى بو وه‌لاتێ وان پێشكێش كرن .
ژلایێ خوڤه‌ سه‌روك وه‌زیرێن هه‌رێما كوردستانێ سوپاسیا ناڤبىر كر بو سه‌ره‌دانا وى و سه‌ره‌خوشیێن خه‌لك و حكومه‌تا هه‌رێما كوردستانێ برێكا بالیوزێ فلپینێ بو حكومه‌ت و كه‌س و كارێن قوربانیێن ڤێ رویدانێ كرن و دلخوشكرن كو حكومه‌تا هه‌رێما كوردستانێ و لایه‌نێن په‌یوه‌ندیدار هه‌مى بزاڤان دكه‌ن بو ڤه‌كولینێ ل رویدانێ و سزادانا كه‌سێن تاوانبار و ئاماده‌یا حكومه‌تا هه‌رێما كوردستانێ بو هه‌ر هاریكاریه‌كێ ب مه‌ره‌ما ڤه‌گه‌راندنا ته‌رمێ قوربانیان نیشان دا .
هه‌روه‌سا دووپاتكر كو پێدڤیه‌ میكانیزمه‌كا بهێزكرنێ دناڤبه‌را حكومه‌تا هه‌رێما كوردستانێ و فلپینێ دا بو وان كارمه‌ندێن فلپینى هه‌بیت بو دابینكرنا ژیان و ژیارا وان ل هه‌رێما كوردستانێ .
به‌حسكرنا ره‌وشا نوكه‌ یا ده‌ڤه‌رێ ب تایبه‌ت عیراق و هه‌رێما كوردستانێ و چه‌ندین بابه‌تێن دى یێن په‌یوه‌ندیدار لایه‌نه‌كێ دى یێ هه‌ڤدیتنێ بوو .

2016-02-10
1799
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid