ێڤی
مه‌سرور بارزانى پێشوازیا برونو ساكومانى بالیوزێ كه‌نه‌دا ل عیراق و ئوردنێ كر

  ئه‌ڤرو مه‌سرور بارزانى شیره‌تكارێ جڤاتا ئاساییشا هه‌رێما كوردستانێ پێشوازیا برونو ساكومانى بالیوزێ كه‌نه‌دا ل عیراق و ئوردنێ كر .
د هه‌ڤدیتنه‌كێ  دا هه‌ردوولا هزر و بیر سه‌باره‌ت به‌رده‌وامیا هاریكاریێن له‌شكرى و دبلوماسى یێن كه‌نه‌دا بو هه‌رێما كوردستانێ لێكگوهارتن.
ژلایێ خوڤه‌ مه‌سرور بارزانى به‌حسێ گرنگیا رێكارێن له‌شكرى و پێگربوونا زێده‌تر یا جڤاكێ ده‌وله‌تى بو بله‌ز ژناڤبرنا تیرروستێن داعش كر و ته‌ئكید ل سه‌ر بارگرانیا مه‌زاختنێن ڤى شه‌رى ل سه‌ر هه‌رێما كوردستانێ كر كو پێدڤیه‌ هاریكاریا داریى بو پێشمه‌رگه‌ى بهێته‌ كرن .
د به‌رامبه‌ر دا بالیوزێ كه‌نه‌دا ل عیراق و ئوردنێ تیشك ئێخسته‌ سه‌ر گوهورینێن حكومه‌تا نوى یا كه‌نه‌دا د بیاڤێ شه‌رێ دژى تیرروستان و راگه‌هاند : دگه‌ل وێ چه‌ندێ ژى دا راهێنان و دابینكرنا هاریكارێن له‌شكرى بو هێزێن پێشمه‌رگه‌ى دێ د به‌رده‌وام بن و گوت : ئه‌ڤه‌ جدیه‌تا كه‌نه‌دایه‌ به‌رامبه‌ر ڤى شه‌رى نیشان دده‌ت و ئه‌م دڤان هاریكاریان دا بو هه‌رێما كوردستانێ شه‌رمزار نابین .
هه‌روه‌سا به‌رده‌وامبوون و بهێزكرنا په‌یوه‌ندیێن دوو قولى دناڤبه‌را هه‌رێما كوردستانێ و كه‌نه‌دا د بیاڤێن جودا دا هه‌روه‌سا ره‌وشا سیاسیا هه‌رێما كوردستانێ ته‌وه‌ره‌كێ دیێ دیدارێ بوو .

2016-02-10
1759
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid