ێڤی
دیدارا مه‌سرور بارزانى دگه‌ل ئاژانسا ئه‌سوشیێتت پرێس

مه‌سرور بارزانى شیره‌تكارێ جڤاتا ئاساییشا هه‌رێما كوردستانێ دیداره‌ك دگه‌ل ده‌زگه‌هێ ئوسوشیێتت پرێس یێ روژنامه‌ڤانى سه‌باره‌ت شه‌رێ دژى داعش و دابینكرنا پێدڤیێن له‌شكرى ئه‌نجام دا .
سه‌باره‌ت كاریگه‌ریا قه‌یرانا دارایى یا كو روى ب روى هه‌رێما كوردستانێ بوى مه‌سرور بارزانى گوت : كاریگه‌ریێ ل پێشمه‌رگه‌ى دكه‌ت ب راستى ئه‌ڤه‌ موعجیزه‌یه‌ , پێشمه‌رگه‌ بێى كو مووچه‌ بو بهێته‌ دان , به‌لێ هه‌تا نوكه‌ ب چه‌كێ كه‌ڤن ل هێلا پێشیا شه‌رێ داعشێ نه‌ هه‌روه‌سا گوت ئه‌ڤه‌ به‌رپرساره‌تیا هه‌مى جیهانێ یه‌ كو هاریكاریا پێشمه‌رگه‌ى بكه‌ن بو ژناڤبرنا ڤى شه‌رى .
سه‌باره‌ت مافێ سروشتى یێ كوردا بو ئه‌نجامدانا ریفراندوم و دیاركرنا چاره‌نڤیسێ خو مه‌سرور بارزانى راگه‌هاند : نوكه‌ ئه‌م سه‌ربه‌خویێ نا راگه‌هینین به‌لكو ئه‌م به‌حسێ مافه‌كى دكه‌ین كو كوردان وه‌كى هه‌ر نه‌ته‌وه‌یه‌كى دى هه‌یه‌ , هه‌روه‌سا گوت : ئه‌وا كورد داخوازیێ لێ دكه‌ن دابینكرنا پاشه‌روژا وان و زاروكێن وانه‌ و ئه‌ڤه‌ژى مافێ كوردانه‌ و ئه‌م بزاڤان دكه‌ین دگه‌ل ڤى وه‌لاتى بمینین وه‌كى هه‌ڤپشكه‌كى و ئه‌گه‌ر به‌رده‌وام كورد بهێنه‌ دویرئێخستن ل وى ده‌مى نابیت گله‌یى ل كوردان بهێته‌ كرن بو ڤه‌گه‌ریان ل چاره‌سه‌ریه‌كا باشتر .
هه‌روه‌سا سه‌باره‌ت رێگرتن و ئاسته‌نگان به‌رامبه‌ر ڤى مافێ سروشتى مه‌سرور بارزانى گوت : نوكه‌ ده‌مه‌كێ گرانه‌ به‌لێ بێژه‌ من بو كوردستانێ دێ چاوا یا بساناهى بیت ئه‌گه‌ر سه‌ربه‌خو نه‌بین نوكه‌ ئه‌م وه‌لاته‌كێ سه‌ربه‌خو نینین به‌لێ ده‌م هاتیه‌ ڤێ كێشێ چاره‌سه‌ر بكه‌ین و پێدڤیه‌ به‌غدا ڤێ كێشى چاره‌سه‌ربكه‌ت .
سه‌باره‌ت هه‌بوونا په‌یوه‌ندیان دناڤبه‌را كێشێن نافخویى و برێڤه‌برنا ڤان مافان مه‌سرور بارزانى گوت : وه‌لاتێن سه‌ربخو ژى كێشێن نافخویى هه‌نه‌ نابێژم ئه‌ڤه‌ دێ بیته‌ رێگر .
سه‌باره‌ت پروپاكندێن به‌رامبه‌ر چه‌ند گوندێن عه‌ره‌با مه‌سرور بارزانى گوت : ئه‌م بخێرهاتنا هه‌ر كه‌سه‌كى دكه‌ین كو بچیت دیداره‌كێ دگه‌ل وان عه‌ره‌بان بكه‌ت چ ئه‌وێن ل كوردستانێ ئاواره‌نه‌ و چ ئه‌وێن ڤه‌گه‌ریاینه‌ سه‌ر گوندێن خو ب چاڤێ خو ببینن كا چاوا هه‌ست دكه‌ن به‌لێ د راستیێ دا هنده‌ك ده‌ڤه‌ر هه‌نه‌ نه‌ كورد و نه‌ عه‌ره‌ب نه‌شێن ڤه‌گه‌رنێ ژبه‌ر هه‌بوونا شه‌رى .

2016-02-10
1827
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid