ێڤی
دهوك: جڤاتا پارێزگه‌هێ ئه‌رزانكرنا بهایێ نورینگه‌هێن نوشداران گه‌نگه‌شه‌كر

سه‌ندیكا و لایه‌نێن په‌یوه‌ندیدارێن نوشدارى به‌رهه‌ڤیا خوه‌ بو كێمكرنا بهایان دیار كر.
د به‌رده‌وامیا كومبوونێن خو دا ل دور سڤككرنا ره‌وشا ژیارا وه‌لاتییان دڤێ قه‌یرانا دارایى و ئابورى دا , ئه‌ڤرۆ جڤاتا پارێزگه‌ها دهوكێ ل دور بابه‌تێ ئه‌رزانكرنا بهایێن نوشدارى و هه‌مى پێدڤیێن نوشدارى د گه‌ل سه‌ندیكایێن نوشدارێن ددانان، ده‌رمانسازان ، خودان پێشه‌یێن ساخله‌میێ ، بایلوژى ، كیمیاوى  و دگه‌ل نه‌خوشخانێن تایبه‌ت ل سه‌رانسه‌رى پارێزگه‌ها دهوكێ كومبوو.
ل ده‌ستپێكێ سه‌روكێ لیژنا ساخله‌میێ ل جڤاتێ چه‌ندین خال به‌رچاڤكرن و هنده‌ك پێشناركرن كو ئه‌گه‌ر دشیان دابیت كار ل سه‌ر بهێته‌ كرن.
پشتى ب تێر و ته‌سه‌لى گه‌نگه‌شه‌ دناڤبه‌را جڤاتێ و به‌رهه‌ڤبوویان دا هاتیه‌ كرن هه‌مى لایه‌نان به‌رهه‌ڤیێن خو دیاركرن كو دێ د هاریكاربن دگه‌ل جڤاتێ و بهایێن كلینیكێن نوشداران و ده‌رمانان و شروڤه‌یێن تاقیگه‌هان و تیشك و سوونارێ كێم كه‌ن .
دهێته‌ زانین كو هنده‌ك نوشداران پێشوه‌خت ده‌ستپێشخه‌رى كریه‌ و بهایێن كلینیكێن خو ئه‌رزانكرینه‌ ئه‌ڤه‌ ژى ب كاره‌كێ مروڤایه‌تى دهێته‌ هژمارتن .

2016-02-10
1830
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid