ێڤی
سه‌روكێ هه‌رێما كوردستانێ پێشوازیا نوینه‌رێ تایبه‌تێ سكرتێرێ گشتیێ رێكخراوا نه‌ته‌وه‌ێن ئێكگرتى ل عیراقێ كر

  ئه‌ڤرو ل سه‌لاحه‌دین رێزدار مه‌سعود بارزانى سه‌روكێ هه‌رێما كوردستانێ پێشوازیا جون كوبێس نوینه‌رێ تایبه‌تێ سكرتێرێ گشتیێ رێكخراوا نه‌ته‌وه‌ێن ئێكگرتى ل عیراقێ كر .د دیداره‌كێ دا ره‌وشا سیاسى و ئێمناهیا ده‌ڤه‌رێ و عیراقێ و هه‌روه‌سا قه‌یرانا ئابورى و دارایى یا عیراق و هه‌رێما كوردستانێ هاته‌ به‌حسكرن و ته‌ئكید ل سه‌ر ئه‌نجامدانا چاكسازیان و هه‌روه‌سا ل ده‌نگ هاتنا جڤاتا ده‌وله‌تى و هاریكاریكرنا هه‌رێما كوردستانێ و عیراقێ بكه‌ن.نوینه‌رێ تایبه‌تێ سكرتێرێ گشتیێ نه‌ته‌وێن ئێكگرتى ل عیراقێ زێده‌بارى ئاماژه‌دان ب ره‌وشا داراییا یا هه‌رێمێ و ئه‌ركێ گرانێ خه‌رجیێن شه‌رى و حه‌واندنا ئاواره‌یان , روناهى ئێخسته‌ سه‌ر قه‌یرانا دارایى یا عیراق و هه‌رێما كوردستانێ ڤه‌گرتى و سه‌روك بارزانى ب وان بزاڤ  و چالاكیان ئاگه‌هداركر یێن بو دیتنا رێكه‌چاره‌یه‌كێ و هاریكاریكرنا دارایى یا به‌غدا و هه‌ولێرێ دگه‌ل بالیوز و نوینه‌رێن وه‌لاتێن ئه‌وروپا ئه‌نجام داین .د پشكه‌كا دى یا دیدارێ دا به‌حسێ مه‌ترسیێن پاشه‌روژێ و ئه‌گه‌رێن رویدانێن عیراقێ و ده‌ڤه‌رێ . سه‌روك بارزانى دووپاتكر كو گه‌لێ كوردستانێ زێده‌بارى قوربانیدانا مه‌زن و دیروكى یا دویر و درێژا خه‌باتێ ب هه‌مى شیانان ڤه‌ بزاڤ كرینه‌ كو سه‌قامگێرى و پێكڤه‌ژیان و دیموكراتى و فیدرالیه‌تێ ل عیراقێ بچه‌سپینن .هه‌ژى گوتنێ یه‌ كو د دیدارێ دا سوكول كوندى نوینه‌رێ رێكخراوا نه‌ته‌وێن ئێكگرتى ل هه‌ولێرێ دویماهى ب ئه‌رك و كارێن وى هات و بڤێ هه‌لكه‌فتێ سوپاسیا سه‌روك بارزانى و حكومه‌تا هه‌رێما كوردستانێ كر كو د ده‌مێ كاركرنێ دا ئاسانكارى و هاریكاریه‌كا مه‌زنا رێكخراوا نه‌ته‌وێن ئێكگرتى كریه‌ و سه‌روك بارزانى زێده‌بارى ده‌ستخوشى ل ماندیبونا نوینه‌رێ رێكخراوا نه‌ته‌وێن ئێكگرتى ل هه‌ولێرێ هیڤیا سه‌ركه‌فتنێ بو خواست د ئه‌رك و كارێن نویدا .

2016-02-09
1914
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid