ێڤی
ئه‌مریكا: دێ موچێن 35 هزار پێشمه‌رگه‌یان دابین كه‌ت

شانده‌كێ حكومه‌تا هه‌رێما كوردستانێ كو پێك هاتبوون ژ فوئاد حسێن و فه‌لاح مسته‌فا و به‌یان سامى بو دابینكرنا بودجا پێشمه‌رگه‌ى و خه‌ریجیێن شه‌رێ دژى داعش سه‌ره‌دانا واشنتون كربوو .
دڤى بیاڤى دا لدویڤ پێزانینێن ژمارا حه‌فتینامه‌یا باس دا هاتیه‌ كو ئه‌مریكیان د به‌رسڤا داخوازا شاندێ هه‌رێمێ دا دیار كریه‌ كو ئه‌و دشێن مووچه‌ و بودجا سیه و پێنج هزار پێشمه‌رگه‌یان دابینبكه‌ن ب مه‌رجه‌كى هه‌مى ئه‌و هێزا پێشمه‌رگه‌ى سه‌ر ب وه‌زاره‌تا پێشمه‌رگێ هه‌رێما كوردستانێ ڤه‌ بن .وه‌زاره‌تا پێشمه‌رگێ حكومه‌تا هه‌رێما كوردستانێ داخوازا زێده‌تر كریه‌ و نوكه‌ د دان و ستاندن و د په‌یوه‌ندیێ دانه‌ و فه‌ریق جه‌بار یاوه‌ر ئاخفتنكه‌رێ فه‌رمیێ وه‌زاره‌تا پێشمه‌رگه‌ى دبێژیت كومبوون دگه‌ل نوینه‌رێن ئه‌مریكا كریه‌ و تێدا چه‌ند ئه‌ندامێن كونگرێسى ئاماده‌بووینه‌ و هه‌تا نوكه‌ به‌رسڤا ئه‌مریكا بو چه‌ندین هاریكارییان بو هێزێن پێشمه‌رگه‌ى ب فه‌رمیى نینه‌ .
هه‌روه‌سا دلێر مسته‌فا جێگرێ سه‌روكێ لیژنا كار و بارێن پێشمه‌رگه‌ى د په‌رله‌مانێ كوردستانێ دا راگه‌هاند : ئاگه‌هدارێن وێ چه‌ندێ نه‌ كو ئه‌مریكا و هه‌ڤپه‌یمان هاتینه‌ سه‌ر هێلێ بو هاریكاریكرن و دابینكرنا پشكا مووچێ هێزێن پێشمه‌رگه‌ى به‌لێ هه‌تا نوكه‌ وه‌ك بریار و ب ره‌نگه‌كێ فه‌رمى نه‌هاتیه‌ ده‌رئێخستن .

2016-02-09
1805
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid