ئهڤرو مهسرور بارزانى سهروكێ حكومهتا ههرێما كوردستانێ پێشوازى ل سوزوكى كوتارو بالیوزێ یابانێ ل عیراقێ كر و د دیدارهكێدا بالیوزێ یابانێ پهسنا ههرێما كوردستانێ كر، كو فاكتهرێ گرنگێ ئارامیێ یه ل دهڤهرێ، دووپات ژى لسهر پێشڤهبرنا پهیوهندیێن زێدهتر یێن وهلاتێ خو و بهردهوامبوونا پشتهڤانیا حكومهتا ههرێما كوردستانێ كر، بتایبهتى پێشڤهبرنا وهبهرهێنانێ یابانى ل ههرێما كوردستانێ.
بالیوزێ یابانێ سوپاسیا حكومهتا ههرێما كوردستانێ ژى كر بو ئهو هاریكارى و ئاسانكاریێن پێشكێشكى ئاژانس و رێكخراوێن نهحكومى یێن یابانێ كرین ل ههرێما كوردستانێ.
سهروكێ حكومهتا ههرێما كوردستانێ ژبلى سوپاسیكرنا پشتهڤانیا یابانێ ل ههرێما كوردستانێ، دووپات ژى كر كو حكومهتا ههرێما كوردستانێ پێشوازیا پێشڤهبرنا ههمهلایهنانه یا پهیوهندیان دگهل یابانێ دكهت.
دیدارێ دا ناگایاما یوشكو بهرپرسا نڤیسینگهها قونسولگهریا یابانێ ل ههولێرێ یا ئامادهبوو، سهروكێ حكومهتا ههرێما كوردستانێ هیڤیا سهركهفتنێ بو خواست ب ههلكهفتا تمام بوونا كار و ئهركێن وێ ل ههرێما كوردستانێ.