ئه‌حمه‌د موسا ئاخفتنكه‌رێ وه‌زاره‌تا كاره‌با عیراقێ راگه‌هاند، پشتى كو به‌غدا و ته‌هران لسه‌ر بابه‌تێ قه‌ران گه‌هشتینه رێككه‌فتنێ، ئه‌ڤرو ب هه‌مان ئاستێ به‌رى نوكه ده‌ست ب هنارتنا غازێ بو عیراقێ هاته كرن.
كومپانیا غازێ یا سه‌ر ب وه‌لاتێ ئیرانێ ڤه ئه‌ڤرو راگه‌هاند بوو، ژ ئه‌گه‌رێ زێده‌بوونا قه‌ران كو زێده‌تر ژ 6 ملیار دولارانه هنارتنا غازێ بو عیراقێ راگریته.
وه‌زاره‌تا كاره‌با عیراقێ ئاماژه ب وێ چه‌ندێ ژى دا، ژ ئه‌گه‌رێ كێمبوونا هنارتنا غازا ئیرانێ، عیراقێ 7000 مێگاواتێن كاره‌بێ ژ ده‌ستداینه ، كو ڤێ چه‌ندێ ژى كارتێكرنه‌كا مه‌زن كریه سه‌ر دابینكرنا ده‌مژمێرێن كاره‌بێ.
