ل پارێزگه‌هێن زیقار و به‌سره و واست و میسان خونیشاندان هاتنه ئه‌نجامدان و د خونیشانده‌ران داخازا خزمه‌تگوزاریان و په‌یداكرنا ده‌رفه‌تێن كارى كر.
ژماره‌یه‌ك ژ شاهدحالان ل وان پارێزگه‌هان راگه‌هاندن: كو هژماره‌كا مه‌زن ژ خونیشانده‌ران ل وان چار پارێزگه‌هان، رابون بسوتنا تایرێن ترومبێلان و رێكێن سه‌ره‌كى یێن وان پارێزگه‌هان دائێخستن.
ب گوتنا شاهدحالان ژماره‌كا مه‌زن ژ ده‌رچوویێن زانكو و په‌یمانگه‌هان دگه‌ل كه‌سێن بێكار پشكدارى د خونیشاندانان دا كر و ئاماژه ب وێ چه‌ندێ ژى دا كو خونیشانده‌ران داخازكر ده‌رفه‌تێن كارى بو بهێنه په‌یداكرن و خزمه‌تگوازریێن سه‌ره‌كى وه‌ك ئاڤ و كاره‌ب ژى بو بهێنه دابینكرن.
لدویڤ دوماهیك ئامارا وه‌زاره‌تا پلاندانا عیراقێ، رێژه‌یا بێكاریێ ل عیراقێ گه‌هشتیه 27 ژ سه‌دێ و رێژا هه‌ژاریێ ژى گه‌هشتیه 31 پوینت 7 ژ سه‌دێ.
