دچارچووڤێ پلانێن حکۆمەتا هەرێما کوردستانێ بو چارەکرنا ئاریشا جووتیاران ئەڤرۆ د.عەلی تەتەر پارێزگارێ دهۆکێ، سەرپەرشتیا کومبوونەکا تایبەت ل دۆر چارەکرنا ئاریشا گەنمێ جۆتیارێن پارێزگەها دهۆکێ کر، دکۆمبوونێ دا ب بەرهەڤبوونا رێڤەبەرێ گشتیێ یێ چاندنێ ل پارێزگەها دهۆکێ و رێڤەبەرێ سایلویا وەرگرتنا گەنمی ل دهۆکێ و هەردوو کۆمپانیێن “خۆشناو و قەیوان” ل دویڤ گرێبەستا حکۆمەتا هەرێما کوردستانێ کو دێ ب کارێ وەرگرتنا گەنمێ جۆتیاران رابن.
پارێزگارێ دهۆکێ دا دیارکرن: ل کارگێریا پارێزگەها دهۆکێ دێ هەمی ئاسانکاریان ئەنجام دەن ژ بۆ کو لەز ل چارەکرنا ئاریشا وەرگرتنا گەنمێ جۆتیاران بهێتەکرن و جهێ پێدڤی بو سایلۆیان و هەروەسا کارگەهێن پێدڤی بو هێرانا گەنمی و ساڤاری بهێنە درۆستکرن.
هەردوو کومپانیێن جێ بەجێ کار سۆز دا کو هەمی شیانێن خو ب مەزێخن پێش وەرزێ درۆینێ یا پێدڤی بهێتە ئەنجامدان و ئەڤ ئاریشا چارەسەر ببیت.
