ئەڤرۆ دكتور عەلی تەتەر پارێزگه‌رێ دهۆکێ پێشوازیا شاندەکێ بالیوزخانا کەنەدا ل عیراقێ ب سەرپەرشتیا خانم ئاشلی دووریك رێڤەبەرا نڤیسینگەها بالیوزخانا كه‌نه‌دا ل هەرێما کوردستانێ کر. درۆینشتنەکێ خانم ئاشلی دووریك خۆشحالیا خۆ ب سەرەدانا پارێزگه‌ها دهۆکێ دا دیارکرن و راگەهاند: ژبەر رەوشا بەلاڤبوونا ڤایرۆسێ کۆرونایێ ئەم درەنگتر هاتینە سەرەدانا هەوە ئەگەر مە پێخوشبوو زویتر هاتباینە پارێزگەها دهۆکێ و پیرۆزباهی گەهاندنە دکتور عەلی تەتەر کو وەک پارێزگه‌رێ دهۆکێ دەستبکاربوویی و لدویڤدا بەحسێ رەوشا پارێزگەها دهۆکێ و ئەو خزمەتێن دهێنە پێشکێشکرن و حەواندنا وێ هژمارا زۆر ئاوارە و پەنابەران کر. پارێزگه‌رێ دهۆکێ پشتی بخێرهاتنێ دپەیڤەکێدا رەوشا پارێزگەها دهۆکێ د کەرتێن جودا دا و کەمپێن ئاوارە و پەنابەران و پێکڤەژیانا ئاشیانە یا پێکهاتە و نەتەوێن پارێزگەها دهۆکێ بو شاندێ مێڤان به‌حسكر.
