ب مه‌ره‌ما پیروزباهیكرنێ ل هه‌رسێ سه‌روكێن نوى یێن زانكویێن دهۆك پولیته‌كنیك و زانكویا دهۆك وزانكویا زاخو ئه‌ڤرو على ته‌ته‌ر پارێزگه‌رێ دهۆكێ سه‌را هه‌ر سێ زانكویێن ناڤبرى دا وپیروزباهی ل سه‌روكێن نوى كر وداخازا سه‌ركه‌فتنێ بو خواست.
لده‌ستپێكێ سه‌را زانكویا پولیته‌كنیك ل دهۆكێ دا ژلایێ دكتوره ئارى عادل سه‌روكا نوى یا زانكویێ وئه‌ندامێن جڤاتا زانكویێ پێشوازى لێ هاته كرن.
لدویڤدا پارێزگه‌رێ دهۆكێ سه‌را زانكویا دهۆك دا ژلایێ دكتورداود سلێمان سه‌روكێ نوى یێ زانكویا دهوك وجڤاتا زانكویێ پێشوازى لێ هاته كرن.
لدوماهیێ سه‌را زانكویا زاخو دا ژلایێ پروفسیور دكتور نازم سلێمان سه‌روكێ نوى وجڤاتا زانكویا زاخو پێشوازى لێ هاته كرن.
دڤان سه‌ره‌دانان دا پارێزگه‌رێ دهۆكێ بناڤێ خو وكارگێریا پارێزگه‌هێ پیروزباهى ل هه‌رسێ سه‌روكێن نوى كر وداخازا سه‌ركه‌فتنێ بو كر.
هه‌روه‌سا ته‌كه‌زى ل سه‌ر رولێ ئه‌كادیمى یێ هه‌ر سێ زانكویان ل پارێزگه‌ها دهۆكێ كر ژبو بلندكرنا ئاستێ زانین وزانستێ وپێگه‌هاندنا گه‌نج ولاوێن كوردستانێ ژبو خزمه‌تكرنا گه‌ل و وه‌لاتى وپشته‌ڤانیا پارێزگه‌هێ دیاركر بو هه‌ر هاریكاریه‌كێ.
ژلایێ خوڤه سه‌روكێن هه‌رسێ زانكویان خوشحالیا خو ب سه‌ره‌دانێ دیاركر وته‌كه‌زكرن كو دێ بزاڤێكه‌‌ن كوالیتیا خواندنێ ل هه‌ر سێ زانكویا باشتر وبلندتر لێ كه‌ن وخواستن كو پارێزگه‌رێ دهۆكێ پتر پشته‌ڤانیێ ل به‌رنامێن پێشئێخستنا هه‌ر سێ زانكویا بكه‌ت.
