وەزارەتا دارایی و ئابوری یا حكومەتا هەرێما كوردستانێ بریاردا پێشینەیا هەیڤانە یا فەرماتگەهان بهێتە خەرجكرن هەتا بودجە دهێتە پەسەندكرن.
لدویڤ نڤیسینەكا وەزارەتا دارایی و ئابوری كو وێنەكێ وێ ددەستێ دهوك تیڤی دایە و تێدا هاتییە هەتا بودجا 2021ێ دهێتە پەسەندكرن پێشینەیا هەیڤانە یا دام و دەزگەهان دێ هێتە خەرجكرن، ئەوژی پشتی فەرمانا نویكرنا وان، هەروەسا تێدا هاتییە لدویڤ بودجا هەیڤانی رێك ب فەرمانگەان هاتییە دان كو هندەك پێدڤیێن گرنگ و ئامیرەیان و كەل و پەلان بكرن.
لدویڤ بریارێ پارێ هەیڤانە یێ پاقژكرنێ و خوارنێ یێ نەخوشخانا و گرتیخانا و پاقژكرنا باژێرو باژێركان و فروكخانا و كرێ یا ترومبێل و خانییان جودا ژ پێشیتەیا هەیڤانە دێ هێتە خەرجكرن.
وەزارەتا دارایی یا دیاركری ژی كو هەمی پاداشت و هاریكاری دێ هێنە راگرتن ژبلی بەخشینا ل بەردەستێ وەزیران.
وەزارەتا دارایی دیاركی یە ژی كو لیژنا كرینێ ل فەرمانگەهان دشێن وی پارێ هاتییە دیاركرن خەرج بكەن بڤی رەنگی هەتا 250 هزار دیناران بێی لیژنا كرینێ دێ هێتە خەرجكرن و ژ 250 هزارا هەتا 2 ملیون و 500 هزارا دێ ب رێكا لیژنا كرینێ بیت و ژ 2ملیون و 500 هزارا هەتا 100 ملیونا دێ ب هەبوونا سێ دەرئێخستن و لیژنا كرینێ بیت و ژ 100 ملیون دیناران پتر دێ برێكا كێمكرنێ بیت.
دوپاتكری یە ژی ئەگەر ژ دەرڤەی بریارا وەزارەتێ بیت بو كرینا كەل و پەلان و گرێبەستان وی دەمی وەزارەت یا بەرپرس نابیت.
ئەوژی هاتییە كو نابیت بێی رازەمەندیا جڤاتا وەزیران ئیفادا چ فەرمانبەران بو دەرڤەی وەلاتی بهێتە خەرجكرن و ئەگەر هاتە خەرجكرن ژی دێ ل سەر پێشینەیا هەیڤانە بیت.
