دكتور عارف حیتو رێڤه‌به‌رێ كار وده‌سته‌به‌ریا جڤاكى بو مالپه‌رێ فه‌رمیێ پارتى دیموكراتى كوردستان راگه‌هاند كو وه‌زاره‌تا كار لدویف قانونێ ره‌فتارێ دگه‌ل كرێكارێن بیانى دكه‌ت . ل سالا 2015 رێنمایێ ده‌رئێخستینه كو چ كرێكاره‌كێ بیانى نه‌شێت بچیته سه‌ر كارى ئه‌گه‌ر موله‌تا كاركرنێ نه‌بیت . لدویف پلانا حكومه‌تا هه‌رێما كوردستانێ موله‌تا كاركرنێ بو وان كرێكاران ناهێته دان كو ل پروژان كاردكه‌ن ژبه‌ركو ده‌رفه‌تا كاركرنێ ل ده‌ستپێكێ بو مه‌یه . رێڤه‌به‌رێ گشتیێ كار وده‌سته‌به‌ریا جڤاكی دبێژیت ژى كو هاتنا كرێكارێن بیانی بو هه‌رێما كوردستانێ ژئه‌گه‌رێ ڤایروسا كورونا كێمبویه . سالا 2018 شه‌ىش هزار كرێكارێن بیانى هاتینه هه‌رێما كوردستانێ به‌لێ ل سالا بورى بتنێ 3 هزار كرێكار هاتینه . دكتور عارف حیتو ئاماژه ب وێ چه‌ندێ ژى كر كو ژوان 3 هزار كرێكارێن ل سالا بورى هاتینه هه‌رێما كوردستانێ تنێ 7 كرێكاران كارێ پروژان كریه ئه‌وێن دى ژى كارێ نافمالیێ وژینگه‌پارێزیێ دكه‌ن . ئه‌ڤه‌ژى وێ رامانێ دده‌ت كو وه‌زاره‌تا كاروكاروبارێن جڤاكى پلاناخو بجهئینایه بو وێ چه‌ندێ كو خه‌لكێ مه زێده‌تر كارى بكه‌ن
