داعش ده‌ست ب گه‌فان كریه ل هوزێن روژئاڤا و ژووریا عیراقێ، دبه‌رامبه‌ر دا خه‌لكێ هوزێن پارێزگه‌ها ئه‌نبار و روژئاڤایا نه‌ینه‌وا، بتایبه‌ت ده‌ڤه‌رێن سنورى دگه‌ل سوریێ، خو ئاماده‌كریه بو به‌ره‌ڤانیكرن و خوپاراستنێ ژ خو، هه‌رچه‌نده چه‌كێن پێدڤى لبه‌ر ده‌ستێن وان نینه و داخازێ ژ حكومه‌تا عیراقێ دكه‌ن هوزێن وان پر چه‌ك بكه‌ن.
دبه‌رامبه‌ر دا محه‌مه‌د جبورى فه‌رمانده ژ فه‌رمانده‌یا ئوپراسیونێن نه‌ینه‌وا ب روژناما عه‌ره‌بی جه‌دید راگه‌هاندیه، چه‌ندین هوزێن ده‌ڤه‌رێن قه‌زایێن به‌عاج و هه‌ردوو باژێركێن حه‌زه‌ر و ره‌بیعه، داخاز كریه هێزێن زێده‌تر ره‌وانه‌یى ده‌ڤه‌رێن وان بكه‌ن و چه‌كى بو دابین بكه‌ن، بو وێ چه‌ندێ پارێزگاریێ ژ خو بكه‌ن و رێگریێ ژ هێرشێن داعش بكه‌ن.
