مه‌نهه‌ل عه‌زیز وه‌زیرێ پیشه‌سازى و كانزایێن عیراقێ سه‌ره‌دانا وه‌زاره‌تا بازرگانى و پیشه‌سازى یا هه‌رێما كوردستانێ كر و دگه‌ل كه‌مال موسلم وه‌زیرێ بازرگانى و پیشه‌سازى یا هه‌رێمێ لسه‌ر چه‌ند ته‌وه‌ران كومبوون.
ته‌وه‌رێن كومبوونێ پێكهاتبوون ژ گه‌نگه‌شه‌كرنا‌ر ئێكخستنا هێمایێن كاركرنێ و دانپێدان ب موله‌تا كومپانیێن هه‌رێمێ و عیراقێ و ئاریشێن وه‌زاره‌تا بازرگانى یا هه‌رێمێ ل خالێن سنورى ژلایێ ئینان و موكومكرنا په‌یوه‌ندیێن بازرگانى دناڤبه‌را هه‌ردوولا یان دا.
پشكه‌ك ژ خودان كومپانیێن هه‌رێما كوردستانێ بو گه‌هاندنا ئاریشێن خو ئاماده‌یا پشكه‌كا كومبوونێ بوون و لدویڤدا ژى د كونگره‌كێ روژنامه‌ڤانى یێ هه‌ڤپشك دا هه‌ر دوو وه‌زیران ناڤه‌روكا كومبوونێ به‌حسكر كو تێدا لیژنه‌ك بو چاره‌سه‌ركرنا ئاسته‌نگ و ئاریشێن دناڤبه‌را هه‌رێم و عیراقێ دا پێكئینایه.
