هادى عامرى سه‌ركردێ هه‌ڤپه‌یمانیا فه‌تح دووپاتكر، كو دێ به‌رده‌وامیێ ب جیهادێ ده‌ن و پێدڤیه هه‌مى لایه‌ك خو بو به‌ره‌ڤانیێ ئاماده بكه‌ت.
عامرى ئاماژه ب وێ چه‌ندێ دا سه‌ركردێن نه‌سر مه‌ره‌ما وى قاسم سوله‌یمانى و ئه‌بو مه‌هدى موهه‌نديسن روله‌كه‌كێ مه‌زن هه‌بوو بۆ ده‌ربازكرنا وان قه‌یرانێن روى ب روى عیراقێ دبن.
ئه‌ڤ گوتنێن هادى عامرى د گوتاره‌كێدا ب هه‌لكه‌فتا سالڤه‌گه‌را كوشتنا قاسم سوله‌یمانى فه‌رماندێ فه‌یله‌قا قودس یا سوپایێ پاسدارێن ئیرانێ و ئه‌بو مه‌هدى موهه‌ندیس جێگرێ سه‌روكێ ده‌سته‌یا حه‌شدا شه‌عبیدا هاتن و دووپاتكر ب هه‌می ره‌نگه‌كى دێ دژى پروژێن ئاسایى كرنا په‌یوه‌ندیێن دگه‌ل ئیسرائیلێ راوه‌ستن و فه‌لستین ژى دێ هه‌ر ب عه‌ره‌بى و پایته‌ختێ قودسێ مینیت.
سه‌ركردێ هه‌ڤپه‌یمانیا فه‌تح گوت: ئارامیا ده‌ڤه‌رێ یا گرێدایه ب ئارامیا عیراقێ ڤه، و عیراق ژى ئارام نابیت، بتنێ ب ده‌رئێخستنا هه‌مى هێزێن بیانى نه‌بیت ژسه‌ر ئاخا عیراقێ.
