نێچیرڤان بارزانى سه‌روكێ هه‌رێما كوردستانێ پێشوازى ل دكتور سه‌عه‌د حه‌مید كه‌مبه‌ش سه‌روكێ دیوانا وه‌قفا سوننى وشاندێ دگه‌لدا كر .
ددیداره‌كێ دا ره‌وشا سیاسییا عیراقێ و مه‌ترسیێن تیرورێ و هه‌لبژارتنێن بهێت گه‌نگه‌شه‌كرن . هه‌ردوولا ته‌ئكید ل پێدڤییا عیراقێ ب ئێكگرتن و پێكڤه‌ژیان و لێبورین و ئارامى و هه‌ڤپشكییا هه‌مى پێكهاتان دپێگه‌هێن ده‌ستهه‌لات و برێڤه‌برنا وه‌لاتى دا كر و هه‌ڤبوچون بوون لسه‌ر هندێ كو دڤێت پێكهاتێن عیراقێ پێكڤه كاربكه‌ن و لدویڤ دستورى كێشێن وه‌لاتى چاره‌سه‌ربكه‌ن و مافێن هه‌مى پێكهاتان بده‌ستڤه‌بینن. هه‌روه‌سا ددیدارێ دا سه‌روكێ دیوانا وه‌قفا سوننى وشاندێ دگه‌لدا كورتیه‌ك سه‌باره‌ت پێكهات وكار وچالاكیان به‌رچاڤكرن وته‌ئكید ل ئاشتیخوازی ونه‌رمیا گوتارا وه‌قفێ كر كو زێده‌ترى سێزده هزار مینبه‌رێن مزگه‌فتان و سه‌دان قوتابخانه وپه‌یمانگه‌هـ و زانكو ل هه‌می ده‌ڤه‌رێن عیراقێ دهێنه ئاراسته‌كرن و خوشحالیا خو ب كاركرن وهه‌ماهه‌نگیێ دگه‌ل لایه‌نێن په‌یوه‌ندیدار یێن هه‌رێما كوردستانێ ده‌ربرى . شاندێ ناڤبرى هه‌روه‌سا سوپاسى و پێزانینێن خو بو سه‌روك نێچیرڤان بارزانى وهه‌رێما كوردستانێ دوپاتكرن كو پێشوازى ل ئاواره‌یێن ده‌ڤه‌رێن سوننى یێن عیراقێ كرینه.
